Сұрақтар және жауаптар - 2020 жыл

Сұрақ: Саламатсызба!
Мен Қалшора Нұрдаулет Азаматұлы, энергетикалық факультеттің 4 курс студентімін,карантиндік жағдайға байланысты оқудын акшасын бөліп төлеуді сұрайн деп едім, 4 курсқа дейн уакытылы, мерзімімен төлеп отырдым,пандемия жағдайына байланысты қиыншылықтар туған еді. Әлеуметтік жағдайға қатысты емес.

Жауап: Құрметті Нұрдәулет!
Білім алушыларға ақылы негізде білім беру қызметтерін көрсету келісім-шартына сәйкес оқу ақысының 50% төлеуіңіз керек. Оқу ақысын ай сайын бөліп төлеуге тек отбасы әлеуметтік статусқа ие білім алушыларға ғана рұқсат етіледі.

Сұрақ: Қайырлы күн! Менің аты-жөнім - Нұртілек Жангелдинов. Осы университеттің 1-курс студентімін. Колледжден кейін жоғары білім алып жатырмын. Университетте оқудағы басты мақсатым негізгі білімді жалғастыру болса, екінші- әскери кафедрадан өту. Бірақ біздің оқу орнында СОПР-да оқитын студентдерге бұл жағдай қарастырылмаған. Себебін айтып жібересізбе?
Алдағы уақытта ашылса дейміз.

Жауап: Құрметті Нұртілек!

«Қазақстан Республикасы Қорғаныс министрінің 2017 жылғы 24 шілдедегі №375 «Запастағы офицерлер бағдарламасы бойынша әскери дайындық қағидаларын бекіту туралы» бұйрығына өзгеріс енгізу туралы» Қазақстан Республикасы Қорғаныс министрінің 2019 жылғы 5 сәуірдегі №219 бұйрығының 2 - тарауының 12- тармағына сәйкес запастағы офицерлерді дайындау бағдарламасы бойынша оқу үшін құжаттар бірінші (4 жылдық оқумен) және екінші (5 жылдық оқумен) курс студенттерінен қабылданады. Колледждерді аяқтағаннан кейін ЖОО-ның екінші курсына қабылданған студенттер ЖОО-да оқу жылы аяқталғаннан кейін жалпы негіздерде запастағы офицерлер бағдарламасы бойынша оқу үшін конкурстық іріктеуге қатысуға құқылы.

Сұрақ: Мені сіздердің - декандарыңыздың да, кафедра меңгерушісінің де, қызметін атамай әкіреңдеп сөйлескен тағы бір әйел адамның да - жауаптары қағаттандырмады.
Тағы да сұрағымды қайталаймын: менің электрондық мекен-жайым сіздің университетте қайдан жүр?
Кафедра меңгерушісі "бұрынғы тізім бойынша ссылка жіберіп қойыппын" деді. Сонда не болғаны, менің E-mail-ім сіздің университтегі "бұрынғы тізімде" қайдан жүр? Бұл деген - менің электронды мекен-жайым бұрынғы бір тізімде тұр деген сөз ғой?! Сонда мен сіздің университтте "мёртвая душа( болғаныма бірнеше жыл болғаны ғой?!
Нақты жауап күтемін. Менің E-mail-ім сіздің университтегі тізімге қалай кіріп кеткен, қайдан жүр?

Жауап: Құрметті Айгүл Саматқызы!
Сіздің электронды пошта бойынша қатысты ректор блогына жолдама туралы келесілерді түсіндіреміз.
Сіздің электронды поштаңыз Г.К. Құрмановада Э.А. Мурсалимова ханым мен С. Досаева ханымның таратуы бойынша пайда болды.
Г.К. Құрманова, Э.А. Мурсалимова ҚазҰАУ (Алматы қ.) білетіндігін растайды, өйткені олар әріптестер, кадастр және жерге орналастыру саласы бойынша бір облыста жұмыс істейді. Алайда С. Досаеваны ол білмейді, ол да, сіз сияқты, хат жіберілім бойынша хатты алды. Барлығы оған 5 хат жіберілді. Онда сіздің электрондық поштаңыз да болды, өйткені бұл хаттар 26 адресатқа жіберілді.
Сізге тағы да мазасыздық білдіргеніңіз үшін кешірім сұраймыз.

Сұрақ: Сәлеметсіз бе?
Мен сіздің университетте ешқашан жұмыс істеген емеспін. Бірақ бүгін "Кадастр және бағалау" кафедрасы оқытушысының 1,0 ставкасына "ОҚЫТУШЫНЫҢ ЖЕКЕ ЖОСПАРЫ 2020-2021 ОҚУ ЖЫЛЫ" толтыруға маған "Жер ресурстарын басқару, сәулет және дизайн" факультетінің деканы атынан келіп түсіпті.
Бұл не?
Мені сыртымнан "мёртвая душа" қылып тастағансыздар ма?
Қандай құқықтарыңыз бар?
Менің аты-жөнім сіздің университетте не себептен, қалай жүр?
Жауап күтемін.

Жауап: Құрметті Айгүл Саматқызы!

Қазіргі уақытта біздің университет қашықтықтан жұмыс істейді, оқытушылардың кафедра меңгерушілерімен және декандармен байланысы электрондық пошта арқылы жүзеге асырылады. Сіздің электронды поштаңызға "Кадастр және бағалау" кафедрасының меңгерушісі Г.К. Курманованың атынан қате хат жіберілді, алаңдаушылық үшін кешірім сұраймыз.

Сұрақ: Құрметті Ақылбек Қажығұлұлы! Мен электроэнергетика мамандығының 2 курс студенті, 1 сабақтан тапсыра алмай қалып қойдым, орташа балым 2,15 болып тұр, осы балмен келесі курсқа өтуге болады деп айтып еді, енді мені келесі жылға қалдырғалы тұр. Ауыл мектебін бітіргесін ба, шынымен маған кейбір сабақтарды игеру өте қиын, бірақ тырысып оқып жүрмін.
Ата-анам жұмыссыз, от- басымда 5 баламыз, тезірек диплом алып, ата-анама, кішкентай бауырларыма көмегімді бергім келеді. Осындай қиын кезеңде түсіністікпен қарап, мені келесі курсқа көшуге көмек беруіңізді және тапсыра алмай қалған 1 сабағымды оқу процесі кезінде тапсыруға рұқсат беруіңізді сұраймын.

Жауап: Құрметті Сәт!
Курстан курсқа көшіру ережелеріне сейкес 2 курстан 3 курсқа көшіру үшін студенттің GPA балы 2,0 болуы тиіс. Ал, сізде 2 курс бойынша GPA балы 1,95.
Сіздің жағдайыңыз кафедра шешімімен «сапа бойынша кеңес» отырысында қаралып, С.Қ.Шамшиддиновты 1 пән қарызымен 3 курсқа көшіру ұсынысы туралы шешімі қабылданды.
Қарыз болған пәнді 3 курста міндетті түрде тапсыру қажет болады.

Сұрақ: Мен грантка конкурс жасап едим бирак менде резултатымда ештеңе жок сонда мен грантсыз калдымба

Жауап: Құрметті Манарбек!
Мемлекеттік білім гранттары конкурсын өткізу Білім және ғылым министрілігінің құзырында. Конкурс нәтижесін www.testcenter.kz, www.joo.kz сайттары арқылы біле аласыз.

Сұрақ: Сәлеметсізбе
Сіздердің оқу орындарыңызда Кәсіптік оқыту мамандығының оқу ақысы қанша?
Менің колледжде оқыған мамандығым жұмысшы мамандығы болғандықтан осы мамандықты таңдап, басқа оқу орныны құжат тапсырғанмын. Бірақ ол оқу орнында қашықтықтан оқыту бойынша оқи алмайды екенмін, егер сіздерде осы мамандықты қашықтықтан оқытатын болса, 1семестрден кейін сіздердің оқу орындарыңызға ауысуға мүмкіндік бар ма?

Жауап: Құрметті Айганым Бекмахамбетқызы!
«Жұмысшы» мамандығы болғандықтан күндізгі қашықтықтан оқи алмайсыз.

Сұрақ: Саламатсызба құрметті Ақылбек Қажығұлұлы
Мен Сейл Алемхат Техникалық факультетінің АТТ мамандығының 3 курс студенті. 07.08.2020ж "Отын жанар-жағармай және техникалық сұйықтықтар"пәнінен ауылдық жерде интернет жылдамдығы нашар болып компьютерім қатып қалғандықтан экзаменды толық аяқтай алмай жазғы сессиядан 30 балл алып қалдым(сол сәтте экранды видеоға түсіру керек екендігін білмедім)осыған байланысты қайта тапсыруға рұқсат беруіңізді сұраймын.

Жауап: Сәламатсізба Сейл Алемхат!
Ережеге сәйкес СМЖ 02.2007-2019 білім алушылардың білімін бақылау және қорытынды аттестаттауды өткізу 6.28-тармақ қорытынды бақылау нәтижесімен келіспеген білім алушы емтихан өткізілгеннен кейінгі келесі жұмыс күнінен кеш емес апелляция береді. Апелляцияға өтініш компьютерлік техниканың немесе бағдарламалық қамтамасыз етудің істен шығуына байланысты берілуі мүмкін – бұл жағдайда білім алушының өтінішінде растау қажет. Білім алушының өтініші және хаттамамен ресімделген және апелляциялық комиссия мүшелері қол қойған апелляция нәтижелері білім алушыларды тіркеу және атестациялау бөліміне беріледі. Білім алушыларды тіркеу және аттестаттау бөлімінің қызметкері емтихан алушыға апелляция нәтижелерін енгізу үшін рұқсат береді. Барлық құжаттар онлайн режимінде университетінің автоматтандырылған жүйесі арқылы беріледі.

Сұрақ: Құрметті Ақылбек Қажығұлұлы!
Мен Гульназ Аманжанқызы алты баланың анасымын, "Күміс Алқа" иегерімін. Екі үлкен балам сіз басқарып отырған университетте білім алуда. Үлкені-қызым магистратурада одан кейінгісі ұлым КСиПО бөлімінің 1-ші курсын жақсы аяқтады. Көп балалы жанұя болғандықтан ұлымды грантқа ауыстыруға көмектесуіңізді сұраймын.

Жауап: Сәламатсізба Гүльназ Аманжанқызы!
Қазақстан Республикасы Үкіметінің 2008 жылғы 23 қаңтардағы №58 қаулысымен бекітілген "бакалавр" немесе "магистр" дәрежесін бере отырып, жоғары немесе жоғары оқу орнынан кейінгі білім алуға ақы төлеу үшін білім беру грантын беру Ережесінің негізінде келісім шарт бойынша оқуға түсіп білім алып жатқан студенттерге әр-бір семестрдан кейін білімалушының қорытынды бағалары бойынша (GPA балл) босаған грантқа конкурсқа құжаттарын тапсыру арқылы қарастырылады.

Сұрақ: Құрметті Ақылбек Қажығұлұлы!Сізге денсаулық,қажымас қайрат,еңбегіңізге биік абырой тілеймін!
Әлемді жайлап жатқан мына індет кезінде,халқымыз аман,еліміз тыныш болсын.Сіз басқарып отырған үлкен білім шаңырағы сапалы білім,білікті мамандар даярлауда еліміздің алдыңғы сапындағы оқу орны ретінде таныла берсін!
Өмірде адамдар себептермен кездесіп отырады.Қоғамда тұлға туралы айтылатын пікірлердің анық-қанығына сол кезде көз жеткізесін. "Халық айтса қалт айтпайды"-дегендей,өзіңіздің тұлғаңызды,соған сай парасат пайымыңызды көргенде,сіздің кабинетіңізден жүрегім қуанышқа толып шықты.Өйткені қоғамнан сіз туралы тек жақсы пікірлер естіп жүруші едім.Халықтың сіз туралы биік ой-пікірлері сізге қуат берсін,сізге қорған болсын.Сіз туралы пікірімді,қуанышымды әріптесіме айтқанда,ол мені одан сайын қуаттап,"Сен ол кісінің фамилиясына мән бердің бе,тегіне назар аудардың ба"-деді.Күріш "Ол алтын дән,толысып пісіп қанша жандарды тамақтандырады, Бай -ол алтынға да алмастырмайтын байлық".Ақылбек Қажығұлұлы сондай кісінің тегі емес пе,өзі де молынан,кең пішілген азамат- дегенде,көптеген қыз-келіншектер жарыса мақтай жөнелгені.Қатты қызғанып кеттім.Әрине,сіз қызығуға және қызғануға лайықты азаматсыз.Ылайым да солай бола беріңіз,толысқан дәндей жан жағыңызға молшылық сыйлай беріңіз.Сіздің тілеуіңізді тілейтін,тілекшілеріңіз өте көп,соны біліп жүріңіз.Сізге естелік болып қалсын деп,Мұхаммед Хайдар Дулатидің "Тарих и Рашиди" тарихи еңбегін және ақын емеспін,тек жүректен шыққан пікірімді өлең жолдарымен қағазға түсіріп,хатшы қызыңызға табыстап кеткенмін.Ол қызыңыз сізге берді ме,бермеді ме,ол жағын білмедім.Ол жолы,сіз іс сапармен кетуіңізге байланысты,өз қолыммен табыстау бұйырмады.Ол төмендегідей мәтінде:

Қымбатты Ақылбек Қажығұлұлы!
Сізге тарту еткелі тұрған кітап, Мұхаммед Қайдар Дулаттың «Тарих и Рашиди» (Хақ жолындағылар тарихы) атты еңбегі - Қазақ хандығының құрылу тарихының дерек көзі болып табылады.
Еңбектің «Тарих и Рашиди» аталуы ,кішкентай кезінен жетім қалған өзін бағып- қағып жеткізген - Моғұлстан ханы Саид ханның құрметіне арнаған. Еңбекте Тоғылық Темір ұрпағы Саид ханның баласы Абдрашид ханның тұсындағы тарихи оқиғалар баяндалады.
Сонымен бірге Абдрашидқызы Шолпан да сізге деген ықыласын мына шумақтармен білдіреді.


Есіміңіз ел аузында бағалы
Қадір тұтып құрметтейді саналы
Дархан мінез халқыңыз бар біліңіз
Кигізетін тонын алтын жағалы


Сәті түсті маған да бір кездесу
Әр адамның арманы ғой
Шуағы мол тұлғаменен жүздесу
Неткен ғажап, шарапатын сыйлайтын
Жақсыменен қатарласып тілдесу


Көркем мінез көрікті етер адамды
Жақсылығы құтты етер қадамды
Жылы қабақ танытқаннан табылар
Әр сұрақтың шешілері табанды


Бәсекеге қабілетті маманды
Сұрасаныз аграркадан табарсыз
Күрішбаев бастап тұрған ЖОО-ның
Рейтингісі биікте тұр жарамды!
Сізге Алланың нұры жаусын, елдің алғысына бөлене беріңіз. Жаныңызда абыройыңызға «көлеңке» түсірмейтін азаматтар көп болсын.



Құрметпен автор: Шолпан Әбдрашидқызы
!0 қыркүйек, 2018 жыл

Жауап: Құрметті Шолпан Әбдрашидқызы!
Сіздің ақ жарма тілегіңізді оқып шықтым. Сізге шын көңіліммен ризашылығымды білдіремін. Маған деген ықыласыңыз үшін рахмет!
Ия сіз маған деп өз қолыңызбен жазған ақ тілекке толы өлеңіңізді алдым. Жеке архибімде сақтаулы тұр және сіз сыйлаған Мұхаммед Қайдар Дулаттың «Тарих и Рашиди» (Хақ жолындағылар тарихы) атты еңбекті де жеке мұрағатыма қойдым. «Тарих и Рашиди» кез келген Отаншыл азаматтың жүрегінің терең түбінен орын алатын дүние. Сондықтан бұл еңбектің әр парағын парақтап шықтым. Ғибраты мол қазына. Барлығы үшін сізге шын ықыласпен ризашылығымды білдіремін!
Деніңізге саулық отбасы-жан ұйяңызға береке-бірлік тілеймін, қашан да аман болыңыз!
Құрметпен А.Күрішбаев

| 1 | 2 | 3 | 4 |