Просмотров: 1648
Кеше, «ESIRTKISIZ ELORDA - Дені сау ұрпақ» жобасын жүзеге асыру аясында ҚАТЗУ білім алушыларымен Астана қаласы ПД есірткі қылмысына қарсы күрес басқармасының аға жедел уәкілі, полиция подполковнигі Алия Кибатқызы кездесу өткізді.
Кездесудің негізгі спикері – полиция подполковнигі Алия Кибатқызы есірткі қылмысына қарсы күрестегі өзінің тәжірибесімен бөлісті, сондай-ақ, тәуелділіктің әртүрлі түрлері және олардың адам ағзасына, психикасына және әлеуметтік өміріне зиянды әсері туралы егжей-тегжейлі айтып берді. Кездесудің мақсаты – жастарды тәуелділіктің алдын алу және онымен күресудің маңыздылығы туралы ақпараттандыру.
Оқу ордамызда салауатты өмір салтын насихаттауға, ғасыр дертімен күресуге, ұрпағымызды зиянды әдеттерден сақтауға бағытталған жүйелі жұмыстар өз жалғасын табатын болады.
