Просмотров: 440
С. Сейфуллин атындағы Қазақ агротехникалық зерттеу университеті (ҚАТЗУ) аграрлық ғылымдар саласындағы үздік жоғары оқу орындарының бірі ретінде танылып, «IAAR Eurasian University Ranking (IAAR EUR)» халықаралық рейтингі аясында Agricultural University Award беделді наградасына ие болды.
IAAR ұйымы әзірлеген бұл рейтинг жоғары оқу орындарының қызмет сапасын жан-жақты бағалауға бағытталған және IREG (Academy Ranking and Excellence Observatory) халықаралық әдіснамалық стандарттарына негізделген. Рейтингтің әдіснамасы ашықтық пен объективтілікті қамтитын Берлин қағидаттарына толық сәйкес келеді, бұл бағалаудың жоғары деңгейдегі сенімділігін айқындайды.
Agricultural University Award наградасы университетте мамандар даярлаудың жоғары деңгейде жүргізілетінін және аграрлық секторды дамытуға қосқан елеулі үлесін айғақтайды. Бұл жетістік білім алушылар мен оқытушылар үшін жаңа мүмкіндіктерге жол ашып, университеттің жаһандық білім беру және ғылыми кеңістікке одан әрі ықпалдасуына ықпал етеді.
