Просмотров: 1128
С. Сейфуллин атындағы ҚазАТЗУдің ВжМШТ факультетінің студенті Слободян Станислав 3-11 мамыр аралығында Дели қаласында (Үндістан) өткен армрестлингтен Азия чемпионатында жеңіске жетті.
Станислав дене шынықтыру мен спорттық шеберліктің жоғары деңгейін көрсете отырып, 100 келіге дейінгі салмақ дәрежесінде чемпион атанды. Жарысқа континенттің түкпір-түкпірінен мықты спортшылар қатысты.
Спортшыны даярлаумен ҚазАТЗУ дене шынықтыру кафедрасының аға оқытушысы Абайділдин Женат Мухаметгалиевич айналысты.
Станиславтың жеңісі - бұл оның жеке жетістігі ғана емес, сонымен қатар университеттің спорттық жетістіктеріне қосқан елеулі үлесі. ҚазАТЗУ ұжымы спортшы мен оның жаттықтырушысын жоғары нәтижемен құттықтай келе, халықаралық аренада одан да зор табыстар тілейді.
