Просмотров: 1468
С.Сейфуллин атындағы Қазақ агротехникалық зерттеу университеті еліміздегі биыл мемлекеттік білім беру гранты көбейген жоғарғы оқу орындары арасында екінші орынды иеленді. 2023 жылы ҚазАТЗУ-ға барлығы 2 676 грант бөлінсе, биыл оның саны – 3 842. Былтырғыдан 1 166 грантқа көбейген. Бұл – Қазақ агротехникалық зерттеу университетін таңдаушылардың едәуір артқанын көрсетеді. Бұдан бөлек магистратура мен докторантура гранттары анықталуы тиіс. Соларды қоса есептегенде биыл барлығы университетке бөлінген грант саны 5 мыңға жуықтауы мүмкін деген болжам бар. Жер ресурстарын басқару, сәулет және дизайн факультетіне ең көп грант бөлінген – 923. Екінші орында – 899 грантқа ие болған Энергетика факультеті. Үшінші орынды 638 грантпен Техникалық факультет иемденіп отыр.
