Просмотров: 489
С. Сейфуллин атындағы Қазақ агротехникалық зерттеу университетінде Басқарма төрағасы – Ректор, ҚР ҰҒА академигі Қанат Маратұлы Тіреуовтың университеттің белсенді жастарымен кездесуі өтті.
Кездесу барысында ректор студенттердің университеттің қоғамдық-әлеуметтік өміріне белсенді қатысуының маңыздылығын атап өтіп, олардың студенттік ортаны дамытуға қосып жүрген үлесін жоғары бағалады.
Іс-шара аясында университеттің қоғамдық өміріне белсенді қатысқаны үшін студенттерге Сәкен Сейфуллин атындағы медальді табыстау рәсімі өтті.
Сәкен Сейфуллин атындағы медальмен марапатталғандар:
- Ибраев Шерхан Қанатбекұлы, Ветеринария және мал шаруашылығы институтының 5 курс студенті — университеттің қоғамдық-әлеуметтік өміріне қосқан елеулі үлесі және студенттік ортаны дамытудағы белсенді қызметі үшін;
- Құрбанғали Аружан Мелдеханқызы, Ауыл және орман шаруашылығы институтының 4 курс студенті — студенттік парламент ұйымының екі жыл бойы төрайымы;
- Сәдуақасов Еламан Әдиұлы, университеттің 2025 жылғы түлегі — студенттік ортаны дамытуға белсенді қолдау көрсеткені үшін;
- Жұмабай Балауса Ермекқызы, Ауыл және орман шаруашылығы институтының 1 курс студенті — университет имиджін әлеуметтік желілерде ілгерілеткені үшін;
- Жанболатқызы Назерке, Инжиниринг және азық-түлік технологиялары институтының 3 курс студенті — университеттің студенттік өмірін әлеуметтік желілерде белсенді насихаттағаны үшін.
Аталған іс-шара студенттік бастамаларды қолдауға, белсенді азаматтық ұстанымды қалыптастыруға және білім алушылардың университеттің қоғамдық-әлеуметтік дамуына қосқан үлесін ынталандыруға бағытталды.
