Просмотров: 1847
"С. Сейфуллин атындағы ҚазАТЗУ" КеАҚ "IAAR Eurasian University ranking (IAAR EUR)"халықаралық рейтингі шеңберінде Agricultural University Award" сыйлығын алып, аграрлық ғылымдар саласындағы үздік жоғары оқу орындарының бірі болып танылды.
IAAR әзірлеген бұл рейтинг жоғары оқу орындарының сапасын жан-жақты бағалауға бағытталған және IREG (Observatory on Academic Ranking and Excellence) халықаралық әдіснамалық стандарттарына негізделген. Рейтинг әдістемесі Берлин принциптерін, соның ішінде ашықтық пен объективтілікті сақтайды, бұл бағалаудың жоғары стандарттарын растайды.
Agricultural University Award мамандарды даярлаудың жоғары деңгейін және университеттің аграрлық секторды дамытуға қосқан елеулі үлесін айғақтайды. Бұл жетістік білім алушылар мен оқытушылар үшін жаһандық білім беру және ғылыми кеңістікке интеграциялануға ықпал ететін жаңа мүмкіндіктер ашады.
