Просмотров: 314
2026 жылғы 15 мамырда Жезқазған қаласында Ұлттық аграрлық ғылым академиясының академигі К.А. Сархановтың 75 жасқа толуына орай «Орталық Қазақстанда мал шаруашылығы тиімділігін арттырудың нарықтық-инновациялық негіздемелері» атты ғылыми-тәжірибелік конференция өтті.
Іс-шараға облыс, аудан, қала әкімдіктерінің өкілдері, «Ұлттық аграрлық ғылым-білім беру орталығы» КеАҚ, аграрлық жоғары оқу орындары мен аграрлық ғылыми-зерттеу институттарының өкілдері, ауыл шаруашылығы мамандары, кәсіпкерлер, ардагерлер және мәслихат депутаттары қатысты.
Конференцияға «Ұлттық аграрлық ғылым-білім беру орталығы» КеАҚ Басқарма төрағасы Бауыржан Асанов және «С. Сейфуллин атындағы Қазақ агротехникалық зерттеу университеті» КеАҚ Басқарма Төрағасы – Ректоры, ҚР ҰҒА академигі Қанат Тіреуов қатысты.
Жиын барысында Орталық Қазақстанда мал шаруашылығын дамыту, жемшөп өндірісі, ауыл шаруашылығы кооперациясы және аграрлық салада ғылыми тәсілдерді қолдану мәселелері талқыланды.
ҚАТЗУ атынан университет доценті, ауыл шаруашылығы ғылымдарының кандидаты Өмірзақ Сұлтанов «Орталық Қазақстанда қой шаруашылығын дамытудың кейбір мәселелері» тақырыбында баяндама жасады.
