2025 жылғы 17 қыркүйекте С. Сейфуллин атындағы Қазақ агротехникалық зерттеу университетінде 1-курс студенттеріне арналған «Жедел респираторлық вирустық инфекциялардың (ЖРВИ) алдын алу» тақырыбында семинар-тренинг ұйымдастырылды.
Іс-шараны академик Э.Д. Даленов атындағы Профилактикалық медицина ғылыми-зерттеу институтының Салауатты өмір салтын қалыптастыру орталығының жетекшісі Ш.М. Нажимов жүргізді.
Семинар барысында Шахрух Махаммадұлы студенттерге ЖРВИ-дің қауіп тобына кіретін адамдар, аурудың негізгі белгілері, алдын алу шаралары, сондай-ақ сырқаттанған жағдайда қандай әрекеттер жасау керектігі туралы жан-жақты ақпарат берді.
Бұл семинар студенттердің денсаулығын сақтауға бағытталған маңызды шаралардың бірі болып табылады және жастардың салауатты өмір салтын ұстануына септігін тигізеді.
.jpg)
