2025 жылы Қазақстан Республикасы Ауыл шаруашылығы министрлігі мен Ұлттық аграрлық ғылыми-білім беру орталығының (ҰАҒБО) қолдауымен 100 бюджеттік кіші бағдарлама аясында «Агроөнеркәсіптік кешен субъектілерін ақысыз негізде ақпараттық қамтамасыз ету» шеңберінде елдің аграрлық секторы үшін өзекті тақырыптарға арналған жоспарланған 20 (жиырма) вебинардың 6 (алтысы) өткізілді.

Іс-шара барысында қатысушылар бес негізгі тақырыпты талқылады:
«Тұқымдық картоптың вирустық талдауы». Дәріскер: Хасанов Вадим Тагирович, Биология ғылымдарының кандидаты;
«Агроөнеркәсіп кешеніндегі кооперация». Дәріскер: Хусаинова Жібек Сеитқызы, Экономика ғылымдарының кандидаты;
«Ара шаруашылығын құру. Бал беретін конвейер». Дәріскер: Сауров Сұлтан, Магистр PhD;
«Көкөніс дақылдарын өсіру технологиясының озық элементтері». Дәріскер: Жанбыршина Нұрсәуле Жақыпбекқызы, Ауыл шаруашылығы ғылымдарының кандидаты;
«Табынды жылқы шаруашылығындағы асылдандыру жұмыстары». Дәріскер: Жікішев Ерлік Қалиаскерұлы, Магистр PhD.
Вебинарлар ауыл шаруашылығы тауар өндірушілерінің біліктілігін арттыру және агроөндірісте озық әдістерді енгізу мақсатында тегін ұйымдастырылды.
Бағдарлама Қазақстан Республикасының барлық өңірлерін қамтып, кең ауқымды қатысушыларды тартты, олардың ішінде:
Ауыл шаруашылығы кәсіпорындарының қызметкерлері;
Агрономдар, тұқым шаруашылығы және өсімдік шаруашылығы саласындағы мамандар, жеке кәсіпкерлер;
Агроөнеркәсіп кешені мамандары;
Ауыл шаруашылығы кәсіпорындарының басшылары;
Ауыл шаруашылығы секторын дамытуға қатысатын әкімдік өкілдері.

«Агро Білім» жобасы аясында өткен вебинарлар ауыл шаруашылығы өндірушілеріне жан-жақты қолдау көрсетуді жалғастыруда. Негізгі мақсат – білім деңгейін арттыру және қазіргі заманға сай агротехнологияларды енгізу, бұл Қазақстанның ауыл шаруашылығының тұрақтылығы мен тиімділігін арттыруға ықпал етеді.

Бұл бастама елдің азық-түлік қауіпсіздігін нығайтып, ұлттық экономиканың дамуын қолдайды.

"FOC 2025: Fats and Oils Conference": күнбағыс майы-Қазақстанның жаңа экспорттық күші

3 маусымда Алматы қаласында "FOC 2025: Fats and Oils Conference"Төртінші Халықаралық май конференциясы өтті.
Конференцияның ұйымдастырушысы – «Майлы дақылдарды қайта өңдеушілердің ұлттық қауымдастығы» ЗТБ.
Аталған іс-шараға Кәсіпкерлік және коммерцияландыру департаментінің директоры М.С. Жұмағазиев қатысып, ауыл шаруашылығы және қайта өңдеу өнеркәсібі үшін кадрлар даярлау тақырыбында сөз сөйледі. 
220-дан астам делегат қатысты, олардың қызметі май-тоңмай тікелей байланысты, олар 40-тан астам отандық май зауыттарының басшылары, салалық министрліктердің өкілдері, ауыл шаруашылығы тауарын өндірушілер, халықаралық сауда компаниялары, май өнімдерін импорттаушылар, майлы дақылдарды сақтауға және өңдеуге арналған жабдықтарды жеткізушілері, логистикалық компаниялар, аналитикалық агенттіктер болды.
 Конференция тақырыбы келесі мәселелерге бағытталды:
•    егістік алқаптарын әртараптандыру,
•    өңдеуді тереңдету,
•    логистиканы жақсарту,
•    инвестиция тарту,
•    экспорт арналарының дамуы,
•    сауда-экономикалық ынтымақтастықты нығайту.

КАТЗУ Ғылыми кеңесінің кезекті отырысында Кәсіпкерлік және коммерцияландыру департаментінің директоры Жұмағазиев М.С. университеттің 2024 жылғы ғылыми және технологиялық әзірлемелерін коммерцияландыру нәтижелері туралы есебімен таныстырды.

Есепте атап өтілгендей, 2024 жылы Университеттің ғылыми әзірлемелеріне негізделген 10 коммерцияландыру жобасы іске асырылды. Бұл жобалар агроөнеркәсіп кешені мен тамақ өнімдерін өндіруден бастап, тұрақты және экологиялық қауіпсіз өндірістік шешімдерге дейінгі экономиканың негізгі секторларын қамтыды.

Коммерцияландыру жобалары аясында құрылтайшыларының құрамына Университет кіретін екі стартап-компания құрылды, бұл университет ғылымының кәсіпкерлік экожүйесін дамытудағы әлеуетінің артып келе жатқанын көрсетеді. Сондай-ақ, ғылыми және ғылыми-техникалық қызмет нәтижелеріне (ҒҒТҚН) құқықтарды беру туралы 4 шарт жасалып, 4 патентті пайдалану жөнінде лицензиялық келісімшартқа қол қойылды.

Коммерцияландыру саласындағы қызметтің негізгі тиімділік көрсеткіштерінің бірі – Университетке түсетін табыс көлемі болып табылады. Университет пен жеке әріптестер арасында ҒҒТҚН-ға құқықтарды беру туралы жасалған шарттар аясында, 2024 жылы университетке 7 млн теңге, жыл басынан биылғы жылы 5 млн теңге түсті. Алдағы уақытта жыл аяғына дейін 67 млн теңге түседі деп жоспарлануда, 2026 жылы 37 млн теңге көлемінде қаражат түсуі күтілуде.

Қолданыстағы заңнама мен КАТИУ-дың ішкі нормативтік құжаттарына сәйкес, Университетке түскен қаражат есебінен ғылыми әзірлеме авторларына авторлық сыйақы төленеді. Бұл олардың коммерцияландыруға қосқан үлесін мойындауды қамтамасыз етеді.

Есепте алдыңғы жылдармен салыстырғандағы көрсеткіштердің өсу динамикасына және 2025 жылы Университет алдында тұрған технологияларды трансферлеу және бизнес-қоғамдастықпен өзара әрекеттестікті күшейту жөніндегі стратегиялық міндеттерге ерекше назар аударылуда.

Ғылыми кеңес мүшелері коммерцияландыру тетіктерін Университеттің ғылым мен инновациялық қызметін тұрақты қаржыландыру құралы ретінде одан әрі дамыту маңыздылығын атап өтті.

2024 жылдың 1 қаңтарынан 24 қазанына дейін Қазақстан Республикасы Ауыл шаруашылығы министрлігінің «Агроөнеркәсіптік кешен субъектілеріне ақпараттық қолдау көрсету» 100-ші кіші бағдарламасы және «Білім мен ғылыми зерттеулерге қолжетімділікті арттыру» 267-ші бюджеттік бағдарламасы аясында 22 білім тарату іс-шарасы өткізілді. Оның ішінде:
•    Ақмола облысы, Зеренді ауданы, Шағалалы ауылында орналасқан Көкшетау тәжірибелік-өндірістік шаруашылығы базасында «Органикалық өнім өндіруге қойылатын талаптар; Пермакультура – органикалық егіншілік саласы» тақырыбында 2 семинар;
•    Ақмола облысы, Шортанды ауданы, Научный ауылындағы «А.И. Бараев атындағы астық шаруашылығының ғылыми-өндірістік орталығында» «Дәл егіншілік» тақырыбында семинар;
•    Сүтті мал шаруашылығы, ресурстарды үнемдеу және қоршаған ортаны қорғау, көкөніс шаруашылығы, құс шаруашылығы және ауыл шаруашылығы кооперативтері бағыттары бойынша 20 вебинар ұйымдастырылды.
Өткізілген 2 семинардың қорытындысы бойынша 52 сертификат табысталды.
2024 жылғы 23 сәуірде С. Сейфуллин атындағы Қазақ агротехникалық зерттеу аграрлық университетінің базасында Франция Ауыл шаруашылығы министрлігінің қолдауымен «Aitas Agro» агрохолдингі және Францияның Тулуза мен Сен-Годенс қалаларындағы екі аграрлық колледжбен бірлескен халықаралық семинар өтті.
Шартқа сәйкес, 2024 жылдың қарашасына дейін фермерлерге 30 тікелей кеңес беру ұйымдастырылды.
2024 жылғы 27 қазандағы мәлімет бойынша, білім тарату іс-шараларының жалпы тыңдаушыларының саны 688 адамды құрады.

Өткен аптаның соңында Ақмола облысы Аршалы ауданында Қазақстан Республикасы Парламенті Сенатының Әлеуметтік-мәдени даму және ғылым комитетінің мүшелерімен кездесу өтті. Бұл шара Мемлекет басшысының «Әділетті Қазақстан: заң және тәртіп, экономикалық өсу, қоғамдық оптимизм» атты Жолдауын іске асыру аясында «Еңбек адамы – ұлттық экономиканың өсуі мен ұлттың өркендеуінің негізі» тақырыбындағы алдағы парламенттік тыңдауларға дайындық ретінде ұйымдастырылды.

Делегация ауданның негізгі нысандарын, соның ішінде «Ижевский» өндірістік кооперативін, «Питковский» шаруа қожалығын және Ақмола облысы білім басқармасына қарасты Аршалы кентіндегі «Агротехникалық колледжді» аралады. Талқыланған маңызды мәселелердің бірі ауыл шаруашылығында, соның ішінде агрономдар, инженерлер, ветеринарлар мен зоотехниктер сияқты білікті кадрлардың тапшылығы болды.

Кездесуге ауыл шаруашылығы тауар өндірушілері, аудан және облыстық мәслихат басшылығы қатысты. Жиында «С. Сейфуллин атындағы ҚАТУ» Кәсіпкерлік және коммерцияландыру департаментінің директоры М.С. Жұмағазиев сөз сөйлеп, қатысушыларды ауыл шаруашылығы тауар өндірушілерімен, аудан, облыс әкімдігімен кадрлық мәселелерді шешуде және ауыл шаруашылығын дамытуда белсенді ынтымақтастыққа шақырды. Сонымен қатар, Аршалы кентіндегі «Агротехникалық колледждің» басшысы Университетпен ұзақ мерзімді ынтымақтастықты нығайтуға қызығушылық білдірді.

2024 жылғы 21-22 қарашада Алматы қаласында Қазақстан Республикасы Қаржылық мониторинг агенттігінің Қоғамдық кеңесінің көшпелі отырысы өтті.

Аталған жұмыс кездесуге Қаржылық мониторинг агенттігінің өкілдері және Қоғамдық кеңес мүшелері қатысты.

Маңызды қадам ретінде қоғамдық және өңірлік өкілдермен өзара іс-қимыл жасау, сондай-ақ қаржылық қауіпсіздік және осы саладағы құқықтық тәртіпті сақтау мәселелерін талқылау аталды. Отырыс барысында Агенттік қызметкерлері әлеуметтік маңызы бар тауарлар нарығында тиімсіз делдалдарды жою бойынша атқарылып жатқан жұмыстар туралы баяндама жасады.

Кеңес мүшелеріне электрондық шот-фактуралардың деректері негізінде әлеуметтік маңызы бар азық-түлік тауарларына (ӘМАТ) сауда үстемесінің рұқсат етілген мөлшерден асқанын автоматты түрде анықтауға мүмкіндік беретін аналитикалық жүйенің мүмкіндіктері таныстырылды.

Осы жылы Агенттік тарапынан өңірлік комиссияларға (әкімдіктер жанындағы) 650-ден астам материал беріліп, олардың негізінде 350 тұлға әкімшілік жауапкершілікке тартылды.

Сондай-ақ, бұл жүйе арқылы әлеуметтік мемлекеттік мекемелердің мониторингі жүзеге асырылды. Нәтижесінде 600-ден астам мекеме мемлекеттік сатып алу шарттарын қайта қарап, 350 миллионнан астам бюджет қаражаты үнемделді.

Қаржы пирамидаларына қарсы іс-қимыл бойынша арнайы жобаны жүзеге асыру нәтижелері таныстырылды.

Агенттік аналитикалық жүйенің көмегімен интернет кеңістігінде қаржылық және алаяқтық жобаларды жарнамалайтын контенттерді анықтау бойынша мониторинг жүргізуде. Ұйымдастырушылар анықталғаннан кейін олардың әрекетіне тосқауыл қою шаралары қабылданады.

Осы алгоритм арқылы ағымдағы жылдың басынан бері 28 қаржы пирамидасы жойылып, 12 мыңға жуық сайт, 300-ге жуық чаттар мен әлеуметтік желі аккаунттары бұғатталды. Сонымен қатар, 25 «жалған қаржылық» жобалар бойынша Telegram-бот «Baiqa piramida» арқылы азаматтардан 9 мыңнан астам сұрау қаралды.

Кеңес отырысында Алматы қаласы, Алматы облысы және Жетісу облысы бойынша Агенттіктің аумақтық департаменттері басшыларының өңірлерде көлеңкелі экономикаға қарсы іс-қимыл мәселелері жөніндегі есептері тыңдалды.

Агенттік төрағасы Жанат Еліманов қаржылық мониторинг қызметін одан әрі жетілдіру мақсатында қоғаммен конструктивті диалогтың маңыздылығын атап өтті.

2024 жылғы 9-10 қазан аралығында Қазақстан Республикасы Ауыл шаруашылығы министрлігі мен Ұлттық аграрлық ғылыми-білім беру орталығының (ҰАҒБО) қолдауымен елдің аграрлық секторындағы өзекті мәселелерді шешуге бағытталған ауқымды вебинарлар өткізілді. Бұл іс-шаралар Қазақстанның ауыл шаруашылығына инновациялар енгізу мен біліктілікті арттыру тұрғысынан маңызды оқиға болды.

Вебинарлардың негізгі тақырыптары:

• «Органикалық мал шаруашылығы өнімдерін өндіруге қойылатын талаптар» бойынша дәрісті «Qazaq Bio Control» сертификаттау органының директоры, Еуропалық Одақ және АҚШ стандарттары бойынша халықаралық инспектор Илья Дмитриевич Пампур өткізді;

• «Тұзданған топырақтар: мәселелер мен шешімдер» тақырыбын топырақтану саласының жетекші маманы, PhD докторы Григорий Александрович Звягин талқылады;

• «Шошқа шаруашылығындағы биологиялық қауіпсіздік технологиялары» тақырыбындағы дәрісті саланың жетекші мамандарының бірі, б.ғ.д., доцент Елена Владимировна Кухар оқыды.

Бұл білім беру шаралары тегін ұсынылып, Қазақстан Республикасының барлық өңірлерін қамтыды, ауыл шаруашылық өнімдерін өндірушілерге, агрономдарға, агроөнеркәсіп кешенінің мамандарына және әкімдік өкілдеріне ауыл шаруашылығын жүргізудің озық әдістерін меңгеруге бірегей мүмкіндік берді.

Вебинарлар ұйымдастырылған «Агро Білім» жобасы Қазақстанның ауыл шаруашылығын қолдау және жаңғыртудың қуатты құралына айналды. Жобаның басты мақсаты – агротехнологияларды енгізу арқылы мамандардың біліктілік деңгейін арттыру, бұл ауыл шаруашылығы өндірісінің тиімділігін арттыруға, сектордың тұрақтылығына және ұлттық экономиканың дамуына ықпал етеді.

Бұл бастама елдің азық-түлік қауіпсіздігін нығайтып қана қоймай, Қазақстанның ауыл шаруашылығы өнімдерінің халықаралық нарықтардағы ұзақ мерзімді өсуін және бәсекеге қабілеттілігін ынталандырады. Осындай іс-шаралардың арқасында Қазақстан аграрлық саладағы көшбасшылығын көрсетіп, агроөнеркәсіп кешенінің тұрақты болашағын қамтамасыз етуге бағытталған ауқымды өзгерістерге дайын екенін дәлелдейді.

2024 жылғы 3 қазанда Қазақстан Республикасы Ауыл шаруашылық министрлігінің қолдауымен, Ұлттық аграрлық ғылыми-білім беру орталығы (ҰАҒБО) жүзеге асырған «Жайылымдарды ұтымды пайдалану тәсілдері» тақырыбында вебинар өтті. Ауыл шаруашылық тауар өндірушілерінің біліктілігін арттырып, агроөндірісте озық әдістерді енгізу мақсатында ұйымдастырылған іс-шара тегін өткізілді.

Вебинардың дәріскері ретінде С. Сейфуллин атындағы Қазақ агротехникалық университетінің «Егіншілік және өсімдік шаруашылық» кафедрасының  профессоры Әділбек Айдарханұлы Ноғаев сөз сөйледі. Өз сөзінің барысында профессор Ноғаев жайылымдарды ұтымды пайдаланудың қазіргі заманға сай әдістері мен тәсілдерін егжей-тегжейлі талқылап, Қазақстанның ауыл шаруашылығының тұрақты жүргізудің негізгі аспектілерін ұсынды.

Вебинар бағдарламасы Қазақстан Республикасының барлық өңірлеріне арналған және келесі қатысушыларды қамтыды.

Ауыл шаруашылық кәсіпорындарының, шаруа және фермерлік қожалықтардың қызметкерлері.

Агрономдар, тұқым шаруашылығы және өсімдік шаруашылық мамандары сияқты, ауыл шаруашылық саласындағы жеке кәсіпкерлер.

Агроөнеркәсіп кешенінің мамандары, өз білімдері мен кәсіби дағдыларын жетілдіруге, арттыруға.

Өз өнімдерінің бәсекеге қабілеттілігін арттыруға ұмтылатын ауыл шаруашылық құрылымдарының басшылары;

Ауыл шаруашылық секторын дамытуға қатысатын әкімдіктердің өкілдері.

Вебинар өткен «Агро Білім» жобасы ауыл шаруашылық өндірушілеріне қолдау көрсетуді жалғастырып, аграрлық салаға заманауи агротехнологияларды енгізуге және білім деңгейін арттыруға бағытталған білім беру іс-шараларын ұйымдастырды.

Бұл бастама Қазақстанның ауыл шаруашылық секторының тұрақтылығы мен тиімділігін жақсартуға, сондай-ақ ел экономикасының дамуы мен азық-түлік қауіпсіздігін қамтамасыз етуге ықпал етеді.

2024 жылғы 1 қазанда Қазақстан Республикасы Ауыл шаруашылығы министрлігінің 100-ші бюджеттік кіші бағдарламасы аясында, Ұлттық аграрлық ғылыми-білім беру орталығы (ҰАҒБО) жүзеге асыратын жоба шеңберінде «Картоптың вирустық ауруларын диагностикалау әдістері» тақырыбында вебинар өтті. Іс-шара еліміздің ауыл шаруашылығы өндірушілері үшін тегін ұйымдастырылды.

Вебинардың лекторы — биология ғылымдарының кандидаты, С. Сейфуллин атындағы Қазақ агротехникалық университетінің биология, қорғау және карантин кафедрасының профессоры Вадим Тагирович Хасанов. Өз баяндамасында ол картоптың өнімділігі мен сапасына әсер ететін вирус инфекцияларын диагностикалау үшін заманауи әдістердің толық шолуын ұсынды.

Қарастырылған әдістер арасында ерекше назар аударылғандар:

Серологиялық тесттер (ELISA),

Полимеразалық тізбекті реакция (ПЦР),

Индикаторлық өсімдіктерді пайдалана отырып, экспресс-диагностика әдістері,

Вирус геномдарын талдау үшін био-информатикалық әдістер.

Баяндамашы уақытында жүргізілетін диагностика вирустық инфекцияларды тиімді басқару және өнім шығынын азайту үшін өте маңызды екенін атап өтті.

Бағдарлама Қазақстан Республикасының барлық өңірлеріне арналған:

Ауыл шаруашылығы кәсіпорындарының, шаруашылық және фермерлік қожалықтардың, ауыл шаруашылығы дақылдарын өсірумен айналысатын жеке кәсіпкерлердің, бас агроном, агроном-семеновод, агроном қызметкерлері;

Білім деңгейін тұрақты түрде көтеретін агроөнеркәсіп кешенінің мамандары;

Өсімдік шаруашылығында бәсекеге қабілетті өнім шығаруға ұмтылатын ауыл шаруашылығы құрылымдарының басшылары. Сонымен қатар, әкімдіктердің өкілдеріне.

Агро Білім жобасы білім беру іс-шараларын ұйымдастырып, ауыл шаруашылығы өндірушілеріне қолдау көрсетуді жалғастыруда. Бұл іс-шаралар олардың білім деңгейін арттыруға және заманауи агротехнологияларды енгізуге бағытталған.

100-ші бюджеттік бағдарламасы аясында Қазақстан Республикасы Ауыл шаруашылығы министрлігі мен Аграрлық ұлттық ғылыми-білім беру орталығы (АҒҒБО) іске асыратын Агро Білім жобасы бойынша 2024 жылдың 24 қыркүйегінде «Құс етін өндіру және өткізу бойынша кооперативті ұйымдастыру» тақырыбында вебинар өтті. Іс-шара Қазақстанның ауыл шаруашылығы тауар өндірушілері үшін тегін өткізілді.

Экономика ғылымдарының докторы Асанова Гүлнар Әбділдинқызы тыңдаушыларға кооперативтерді құру және тиімді басқару бойынша құнды білім мен практикалық ұсыныстар берді. Ол өз баяндамасында келесі негізгі тақырыптарды қамтыды:

Кооперативтер құрудың артықшылықтары;

Кооперативті қалыптастыру және тіркеу кезеңдері;

Қатысушылардың құқықтық аспектілері мен міндеттемелері;

Өнімді өткізуге арналған маркетингтік стратегиялар;

Өзекті мәселелер бойынша талқылаулар және оларға жауаптар.

Вебинарға қатысушылар сұрақтар қойып, құс етін кооперативтік өндірудің өзекті мәселелерін талқылауға, сондай-ақ үздік тәжірибелермен алмасып, Қазақстанда кооперативтерді тиімді дамыту бойынша ұсыныстар алуға мүмкіндік алды.

2024 жылдың 24 қыркүйегіндегі білім тарату іс-шараларына қатысқан тыңдаушылар саны 44 адамды құрады.

2024 жылдың 1 қаңтарынан 13 қыркүйегіне дейін «АӨК субъектілерін ақысыз негізде ақпараттық қамтамасыз ету» №100 кіші бағдарламасын іске асыру аясында «ҰАҒБО» АҚ-мен жасалған келісімшарт бойынша «Білім мен ғылыми зерттеулердің қолжетімділігін арттыру» 267 бюджеттік бағдарламасы шеңберінде білімді тарату бойынша 9 іс-шара өткізілді. Оның ішінде 1 семинар Ақмола облысы Зеренді ауданының Шағалалы ауылында, Көкшетау тәжірибелік-өндірістік шаруашылығының базасында «Органикалық өнім өндіруге қойылатын талаптар; Пермакультура – органикалық егіншілік саласы» тақырыбында өткізілді.

Сондай-ақ сүтті мал шаруашылығы, ресурс үнемдеу және қоршаған ортаны қорғау, көкөніс шаруашылығы, құс шаруашылығы, ауылшаруашылық кооперативтері бағыттары бойынша 8 вебинар ұйымдастырылды. 2024 жылғы 23 сәуірде С.Сейфуллин атындағы Қазақ агротехникалық зерттеу университетінің базасында Францияның Ауыл шаруашылығы министрлігінің қолдауымен «Aitas Agro» агрохолдингі және Францияның Тулуза мен Сен-Годенс қалаларындағы екі ауылшаруашылық колледжімен бірлескен халықаралық семинар өтті.

Келісімшартқа сәйкес, 2024 жылдың қараша айының соңына дейін дәл егіншілік бағыты бойынша 1 семинар, 12 вебинар және фермерлерге 30 тікелей кеңес беру шарасы өткізілетін болады.

2024 жылдың 13 қыркүйегіндегі білімді тарату іс-шараларына қатысушылардың жалпы саны 336 адамды құрады.