Просмотров: 2290
С.Сейфуллин атындағы ҚАТЗУ Үздіксіз және қосымша білім беру орталығы ветеринария және мал шаруашылығы технологиясы факультетінің «Ветеринариялық медицина»кафедрасымен бірлесе отырып, «Ветеринария саласындағы инновациялық әдістер: аса қауіпті инфекциялық аурулардың диагностикасы және алдын алу шаралары» тақырыбында 2024 жылдың 28 қазаны мен 08 қарашасы аралығында «Olympvet» ЖШС -нің ветеринария дәрігерлері мен зертхана қызметкерлеріне арналған біліктілікті арттыру курсын өткізді.
Курс жетекшісі – ветеринария ғылымдарының кандидаты, доцент м.а., «Ветеринариялық медицина» кафедрасының меңгерушісі Кемешов Ж.О.
Курстың негізгі мақсаты - кәсіптік қызметті тиімді орындау бойынша қажетті қосымша құзыреттіліктерге ие болу.
Курстың міндеті - кәсіптік қызмет дағдыларын дамыту, аса қауіпті және трансшекаралық жұқпалы аурулардың диагностикасы мен алдын алу бағытында біліктілікті арттыру және заманауи әдіс-тәсілдерді меңгеру.
Курс барысында тыңдаушылар аса қауіпті жұқпалы ауруларды диагностикалау саласындағы нормативтік-құқықтық құжаттамадағы өзгерістермен, сондай-ақ жұқпалы және инвазиялық аурулардың алдын алудың инновациялық әдістерімен танысты. Тыңдаушылар диагностиканың жаңа стандарттары мен технологияларын қолданудың практикалық дағдыларын меңгерді, сондай-ақ заңнамалық өзгерістер және олардың кәсіби қызметке әсері туралы өзекті ақпараттар алды.
Курс соңында оқу бағдарламасын толық игеріп, сәтті аяқтаған тыңдаушыларға сертификаттар табысталды.
