2023 жылдан бастап университет өндірістік практика аясында студенттік механикаландырылған отрядты жандандырды. Тәжірибеден өту базасы "Шахтерское" ЖШС, "Агрофирма ТNК" ЖШС болып табылады, онда студенттер нақты өндіріс жағдайында практикалық дағдыларды бекітуге мүмкіндік алады. Жыл сайын көктемгі және күзгі дала жұмыстарына 6В08701 Агроинженерия білім беру бағдарламасы бойынша 3 және 4 курс 50-ге дейін студент барады.

Практикадан өту кезеңінде білім алушыларды механизаторлардың көмекшілері белгіленген жалақымен жұмысқа орналастырады. Тәлімгерлер кәсіпорынның тәжірибелі қызметкерлерін тағайындайды

Дуальды оқыту түрі -бұл білім алушыларды практикалық даярлауды жүзеге асыру үшін қажетті ресурстарға ие университет пен кәсіпорындардың өзара әрекеттесуіне негізделген жоғары және жоғары оқу орнынан кейінгі кәсіптік білім беру бағдарламаларын жүзеге асыру формасы.

Дуальды оқытудың мақсаты білім беру бағдарламаларының мазмұнын ескере отырып білім алушылардың өндіріс жағдайында практикалық дағдыларын қалыптастыру, кәсіби құзыреттіліктерді сапалы игеру болып табылады. Биылғы оқу жылында С.Сейфуллин атындағы ҚАТЗУ кафедралары 100-ден астам пән бойынша дуальды оқыту элементтері бар сабақтарды ұйымдастыруды жоспарланған.

Сонымен қатар Университет "2,5+1+0,5" бағдарламасы бойынша мамандарды даярлауды қарастыруда,мұнда 2,5 жыл оқыту дәстүрлі форматта өткізіледі, 1 жыл өндіріс жағдайында оқыту (дуальды оқыту және кәсіби практика) және 0,5 жыл қорытынды аттестаттау кезеңі болып табылады. Оқытуды ұйымдастырудыңбұл түрі білім алушыларға өндірісте көбірек болуға мүмкіндік береді, ол кәсіби дағдыларды қалыптастыруға, білім алушылардың кәсіби бейімделуіне ықпал етеді, сондай-ақ болашақ түлектерге университетті бітіргеннен кейін кәсіпорында жұмысқа орналасуға мүмкіндік береді.

Университеттің білім беру бағдарламалары бойынша дуальды оқытуды ұйымдастыру мониторингі барысында білім алушылардың өздері теориялық оқытудың практикалық жұмыспен байланысы жүзеге асырылатын практикалық оқытудың осы форматының өткізілуіне қызығушылық танытты.Кәсіпорындар тәжірибелі тәлімгерлерді, жабдықтар мен үлестірме материалдарды ұсына отырып, білім алушылар үшін барлық жағдай жасайды.

Аграрлық мамандықтар бойынша практикадан ұзақ өту студенттердің кәсіби қалыптасуында маңызды рөл атқарады. Бұл оқу орнында алған білімдерін практикада қолдану мүмкіндігі ғана емес, сонымен қатар болашақ маманның жеке және кәсіби қасиеттерін қалыптастыратын құнды өмірлік тәжірибе.

Бакалавриатты даярлаудың барлық білім беру бағдарламалары бойынша оқу, өндірістік және диплом алдындағы практика көзделген. Оқу процесінің кестесіне сәйкес бір айдан астам практикадан өткен студенттердің жалпы саны -13675 адамды құрайды.

Магистратура мен докторантураның білім беру бағдарламалары бойынша бұл сан 666 адамды құрайды.

Білім беру процесінің кестесіне сәйкес "Ветеринария" және "Инженерия және инженерлік Іс" дайындық бағыттары бойынша білім алушылар каникул уақытында практикадан өтеді. Егер практикадан өту бойынша Келісім-шарттар Астана қаласының кәсіпорындарымен жасалған болса, онда университет өңірлерден келген барлық білім алушыларға , өтініш негізінде кампуста орын береді. Мұндай білім алушылар шамамен 50 адамнан аспайды

Қазіргі заманғы университет кәсіби кадрларды қалыптастыруда және олардың табысты жұмысқа орналасуына жәрдемдесуде шешуші рөл атқарады. Жоғары мектептің маңызды міндеттерінің бірі білім беру ғана емес, сонымен қатар студенттердің практикалық дайындығын қамтамасыз ету, олардың сұранысқа ие құзыреттерін дамыту және еңбек нарығына тиімді кіру үшін жағдай жасау болып табылады.

Бүгінгі таңда университеттер аграрлық кәсіпорындарды, фермерлік шаруашылықтарды, ғылыми-зерттеу институттарын және агроөнеркәсіптік кешенді басқару органдарын қоса алғанда, жұмыс берушілермен өзара іс-қимыл жүйесін белсенді түрде құруда. Мұндай ынтымақтастық студенттерге өзекті практикалық дағдыларды алуға және саланың нақты сұраныстарын түсінуге мүмкіндік береді. Өндірістік тәжірибелер, тағылымдамалар және жобалық қызмет кәсіби өзін-өзі анықтаудың маңызды құралдарына айналуда