2025 жылдың 31 қаңтарында университет деңгейінде "АҚШ-тың білім беру жүйесінің ерекшеліктері" тақырыбында әдістемелік семинар өтті. Семинарды э.ғ.к., "Есеп және қаржы" кафедрасының қауымдастырылған профессоры Д.А. Тлеужанова және қаржы магистрі, аға оқытушы Г.М. Мукашева ұйымдастырды. Бұл семинар "Болашақ" халықаралық стипендиясы аясындағы "500 ғалым" бағдарламасы бойынша ғылыми тағылымдама нәтижелеріне негізделді.
Семинардың мақсаты – АҚШ-тың Миннесота университетінде (University of Minnesota) "Жоғары білім берудегі көшбасшылық және әдістер: ауыл шаруашылығы менеджменті мен академиялық зерттеулер" бағдарламасы бойынша ғылыми тағылымдама барысында ақпараттар және тәжірибелермен бөлісу.
Семинар барысында қарастырылған негізгі сұрақтар:
- Миннесота штатының Миннеаполис қаласындағы Миннесота университетінде өткізілген әдістемелік және ғылыми семинарлар.
- Азық-түлік, ауыл шаруашылығы және табиғи ресурстар ғылымдары колледжінің (CFANS) білім беру жүйесінің ерекшеліктері, ғылыми-зерттеу зертханаларының жұмыс істеу жүйесі.
- Карлсон менеджмент мектебінің орталықтары мен институттарының білім беру құрылымы. Миннесота университетінің Finance BSB және Accounting BSB оқу бағдарламаларын С.Сейфуллин атындағы Қазақ агротехникалық зерттеу университетінің "Қаржылық аналитика" және "Аудит және салық салу" білім беру бағдарламаларымен салыстыру, олардың ұқсастықтары мен айырмашылықтарын анықтау.
- Миннесота университетіндегі жобаға негізделген оқыту (PBL), ауыстырылған сынып (Flipped Classroom), Геймификация (Gamification), зерттеуге негізделген оқыту (Inquiry-Based Learning) сияқты оқытудың инновациялық әдістерінің ұйымдастырылу ерекшеліктері.
Семинар стипендиаттардың жетістіктерін таныстырумен аяқталды. Университет оқытушылары бұл шараға белсене қатысып, сұрақтар қойды, сондай-ақ семинардың соңында ұйымдастырылған интерактивті ойынға қатысты.
.png)
.png)
.png)
.png)
