С. Сейфуллин атындағы Қазақ агротехникалық университетінің жас ғалымдар кеңесі ерікті негіздегі тұрақты түрде ұжымдық бағытта жұмыс атқаратын ұйым болып табылады.
Кеңес – университеттің жас ғалымдарының саясатын қалыптастыратын және іске асыратын, әлеуметтік-тұрмыстық мәселер мен кәсіби салаларында қызуғышылықтарын қорғайтын университеттің жас өкілетті уәкілдерінен құрылған жастар жиналысы. Кеңес 2004 жылдың 24 наурызында университеттің Ғылыми кеңесінің шешімімен құрылды (№16 өкім). «Кеңестің қызметі 40 жасқа дейінгі оқытушылардың оқу-әдістемелік және ғылыми жұмыстарының тиімділігін және нәтижелілігін арттыруға бағытталған.»
Кеңес қызметі Қазақстан Республикасының Конституциясы негізінде «С.Сейфуллин атындағы ҚАТУ» АҚ-ның жарғысына сәйкес, университет қызметін, сондай-ақ демократия, еріктілік, ашықтық, теңдік және өзін-өзі басқару принциптерін қадағалайтын құқықтық құжаттар негізінде жүзеге асырылады.
Жас ғалымдар кеңесі заңды тұлға болып табылмайды, ол Жас ғалымдар кеңесінің қағидаттарына сәйкес өз қызметін іске асырады.
Кеңес келесі мақсатпен құрылды:
- жас ғалымдарға кәсіби деңгейлерін арттыру үшін жәрдемдесу;
- ғылыми әлеуеттерін дамыту және олардың шығармашылық қабілеттерін жүзеге асыру;
- «С.Сейфуллин атындағы ҚАТУ» АҚ-ның жас ғалымдарының кәсіби, интеллектуалдық, құқықтық, әлеуметтік және тұрмыстық мүдделері мен құқықтарын қорғау және іске асыру;
- ғылыми білімді және соңғы ғылыми жетістіктерді насихаттау.
Кеңестің негізгі міндеттері:
- «С.Сейфуллин ат. ҚАТУ» АҚ-ның жас ғалымдарының кәсіби жолда өсуіне жәрдемдесу, жастардың ғылыми бастамалар мен ынталарын дамыту және оларды университетте шоғырландыру. «С.Сейфуллин ат. ҚАТУ» АҚ-да ғылыми жұмыстарды жақсарту жөнінде ұсыныстар дайындау;
- жас ғалымдардың Қазақстанда және шетелде өткізілетін ғылыми-зерттеу жұмыстарына, ғылыми-зерттеу жобалары мен бағдарламаларына, ғылыми тағлымдамаларға, байқаулар, конференциялар және семинарларға қатысуын ұйымдастыру, қаржылық қолдауда жәрдем көрсету;
- елімізде, алыс және жақын шет елдерде өтетін жас ғалымдардың зерттеулерін қолдауға (гранттар) бағытталған ғылыми-зерттеу жобалары мен бағдарламалары туралы уақтылы хабарлау;
- ең үздік ғылыми-техникалық өндіріс (өнім) үшін ғылыми конференциялар, семинарлар, дөңгелек үстелдер мен байқаулар ұйымдастыру және насихаттау, ғылыми мақалалар мен баяндамалар жариялауда жас ғалымдарға жәрдемдесу;
- университеттің ғылыми-техникалық кеңесінің отырысында магистранттар мен докторанттардың аттестациясына қатысу;
- ғылыми зерттеулердің әдістемелері мен зерттеу әдістерін меңгеруде жас ғалымдарға көмек көрсетуге бағытталған іс-шаралар өткізу; жас ғалымдардың ғылыми-техникалық және мәдени өсуіне жәрдемдесу;
- жас ғалымдардың ақпараттық қамтамасыз етілуін ұйымдастыру, оларға жас ғалымдарды қолдауға бағытталған бос орындар, қорлар, гранттар, конференциялар, мектептер және басқа да іс-шаралар туралы ақпаратты уақтылы хабардар ету;
- ғылыми ұйымдардың, ғылыми-зерттеу институттарының және жоғары оқу орындарының жас ғалымдарының ғылыми зерттеулерінің және жобаларының ақпараттық деректер базасын құру;
- отандық және шетелдік гранттар бойынша белсенді жұмыс істеуге жас ғалымдарды тартуға жәрдемдесу;
- ғылым министрлігі және басқа да министрліктер жариялайтын жүлделер үшін жас ғалымдардың еңбектерін насихаттау, талантты жас мамандардың магистратура немесе докторантураға түсуіне ұсыныс жасау;
- жас ғалымдардың еңбек және демалыс мәселелеріне қатысты сұрақтар бойынша ректоратқа ұсыныстар жасау;
- жас ғалымдардың әлеуметтік мәселелерін шешуге бағытталған, бастамаларын қолдау.
С.Сейфуллин атындағы Қазақ агротехникалық университетінің Жас ғалымдар кеңесі бойынша соңғы ережелер 2012 жылдың 13 маусымында бекітілді. Жас ғалымдар кеңесінің құрамы жыл сайын жаңартылып, С.Сейфуллин ат. ҚАТУ Басқарма төрағасымен бекітіледі. Жас ғалымдар кеңесінің төрағасы Университеттің Ғылыми кеңесінің және Ғылыми-техникалық кеңесінің құрамына кіреді.
Жас ғалымдар кеңесінің құрамы
Университет қабырғасында жыл сайын республикалық ғылыми-тәжірибелік «Сейфуллин оқулары» конференциясы өткізіледі. ЖҒК мүшелері студенттердің, оқушылардың, магистранттар мен аспиранттардың бөлімшелеріне төрағалық етеді.
Қазіргі уақытта университетте, 251 жас ғалым жұмыс атқарады, оның ішінде 24 PhD, 28 ғылым кандидаты, 189 магистр.
Байланыс:
000010, Нұр-Сұлтан қ., Жеңіс даңғылы 62, бас ғимарат, 4 қабат, 1408 кеңсе.
Тел.: 8 (7172) 39-59-27
E-mail: smu_seifullin@mail.ru
