«ҚБСА» клубының мақсаты. Экологиялық мәселелерді кешенді шешуге бағытталған белсенді тәжірибелік қызметке тарту арқылы студенттердің экологиялық мәдениетін қалыптастыру, экологиялық жобаларды әзірлеу және іске асыру үшін оқытушылар мен студенттерді біріктіру.
«ҚБСА» студенттік клубы Қазақстан биоалуантүрлілікті сақтау ассоциациясымен (ҚБСА) тығыз байланыста жұмыс атқарады, бірлескен іс-шаралар өткізеді, акцияларға қатысады, ассоциацияның қызметкерлерінің жетекшілігімен студенттер ғылыми-зерттеу жұмыстарын жүргізеді. Клуб қызметі сондай-ақ ұлттық және халықаралық ұйымдармен әріптестікті дамыта отырып, табиғат қорғау қызметі үшін жергілікті бастамалар мен кадрлар даярлауды қолдай отырып, ғылыми негізде жануарлар дүниесінің алуантүрлілігін тұрақты сақтауға бағытталған ҚБСА мақсаттарына негізделеді.
Клуб міндеттері:
- студенттердің экологиялық сауаттылығы мен мәдениетін арттыру;
- студенттердің шығармашылық қабілеттерін, ғылыми, педагогикалық, ағартушылық қызметтерін іске асыруды ынталандыру;
- өсімдіктер мен жануарлар дүниесінің жағдайын зерттеу, көрмелер, экспозициялар ұйымдастыру және өткізу, бұқаралық ақпарат құралдары арқылы аймақтардағы экологиялық жағдай туралы нақты мәліметтер және ақпараттық материалдарды тарату;
- аймақтардағы экологиялық жағдайлар туралы деректер негізінде азаматтарға, әсіресе жас ұрпаққа экологиялық ағарту, білім мен тәрбие беру;
- қоршаған ортаны қорғау және аймақтардағы экологиялық жағдайды жақсарту.
