2022 жылы 18 наурыз күні С.Сейфулин атындағы Қазақ агротехникалық университетінде «Сымбат» қыздар клубының ұйымдастыруымен №5 жатақханада шеберлік сабағы өтті.
Іс-шараның мақсаты - қыздардың танымдық және шығармашылық қабілетін, эстетикалық талғамын, шеберлігін дамыту, көпшілік алдында өзін-өзі ұстай білуге, әдептілікке, мейірімділікке, сұлулыққа тәрбиелеу. Қыздарға заманауи талаптарға сай сұлу болу, бет күтімі туралы кеңес беру. «Сымбат» клубының төрайымы М.Шахман студент-қыздарға күнделікті қандай бет бояу түрін жағу, кешкі мезгілде қандай бояу түстерін бетке жағудың қыр сырын айтып өтті.
Сондай-ақ, мерекелік кештерге болмаса, қарапайым күндері бояуды аз пайдалануға тырысу керектігін түсіндіріп өтті. Іс-шара соңында шебер студенттер өзінің сабағына қатысып отырған студент-қыздарға бет бояуды жағудың ерекшелігін көрсетті.
