2022 жылдың 22 сәуірі күні «KazATU Connector» клубының ұйымдастыруымен университетаралық «Үздік университет» атты интеллектуалдық шығармашылық байқауы өтті.
Бұл іс-шарада әр университеттен келген студенттер әр номинация бойынша белсене қатысып өздерін көрсете білді.
Байқаудың шарттарымен номинациялары бойынша сынға түскен студенттерді іріктеп, қорытынды нәтижесін әділ – қазылар алқасының құрамы шығарды.
Байқау қорытындысы: «Үздік университет» атты интеллектуалдық шығармашылық байқауы 1-орынды "қазақ технология және бизнес университеті" иеленді, ҚазТЖБ университетінің студенті А. Тыныштықбаев «Білімді көшбасшы» номинациясын иеленгені үшін алғыс хатпен марапатталып, ҚазАТУ-нің студенті Ә.Сарманов «Ең үздік би» номинациясын иеленді.
Осы дәстүрді жалғастыру ретінде, ҚазАТУ-дың Жастар саясаты департаментінің директоры іс шараны келесі жылы ҚазУТБ университетінде ұйымдастыруды ұсынды.
