Гуманитарлық факультетте Қазақстан тарихы кафедрасының ұйымдастыруымен халқымыздың тарихын, мәдениетін зерттейтін студенттердің «Атамекен» үйірмесі құрылды. Барлық факультеттің 1-2 курс студенттері «Атамекен» тарихи үйірмесінің мүшесі бола алады. «Атамекен» үйірмесі мына бағыттар бойынша жұмыс атқарады: «Қазақстан тарихы», «Өлке тарихы», «Тұлғатану».
«АТАМЕКЕН» тарихи үйірмесінің мақсаты:
- Қазақстан Республикасының тарихи мәселелерін зерттеумен айналысатын дарынды студенттерді іріктеп, олардың ғылыми жұмыстарына бағыт беру;
- ғылыми-теориялық конференциялар ұйымдастыру және оған студенттерді қатыстыру;
- студенттер бойында отансүйгіштік, тарихқа қызығушылық сезімдерін арттыру.
Үйірмеде қазіргі таңда 20 студент мүшелік етеді. «Атамекен» тарихи үйірмесінің жетекшісі – Қазақстан тарихы кафедрасының аға оқытушысы, т.ғ.к. Л.Т. Джумалиева.
