2023 жылдың 13 сәуірінде С.Сейфуллин атындағы ҚазАТЗУ «Сарыарқа» спорткешенінде ерлер арасында асық атудан және қыздар арасында бесасық ойындары бойынша университет студенттеріне арналған шеберлік сабағы ұйымдастырылды. Аталған сабаққа шеберлігі мен тәжірибесін бөлісуге асық ату спортынан «Қазақстан Республикасының спорт шебері», Астана қаласы құрама командасының мүшесі Әмина Шайхина шақырылды. Әмина секция қатысушылары мен басқа да студенттерге асық ату және бесасық ойындарында қолданылатын арнайы әдістер мен жаттығуларды іс жүзінде көрсетіп, сабаққа қатысушылардың ұлттық ойынға деген қызығушылықтарын арттыра түсті. Әсіресе «Қаржу», «Бестабан» және «Шыр алшы» секілді ойын түрлерінің ережелері мен орындау техникасы игерілді. Сабақ барысын қорытындылай келе, болашақта әрі қарай асық ату спорты секциясында шеберлік сабақтары жалғасын табатын болды.
.jpg)
.jpg)
.jpg)
