|
Қазақстанның Еңбек Ері
(Қазақстан Республикасы Президентінің
2025 жылғы 24 қазанда Жарлығымен)
1964 жылғы 11 қаңтарда Солтүстік Қазақстан облысы, Мамлют ауданы, Бексейіт ауылында дүниеге келген.1980 жылы орта мектепті аяқтағаннан кейін Интернационалдық СПТУ-69 оқу орнына түсіп, тракторшы-машинист мамандығын игеріп шығады.
Еңбек жолы:
1981 жылы туған ауылына оралып, механизатор ретінде еңбек жолын бастаған Мұрат Кеңесұлы агроөнеркәсіп саласында 44 жылдан астам уақыт үздіксіз қызмет етіп келеді. Оның өмір жолы – еңбекқорлықтың, жауапкершіліктің және өз ісіне деген адал сүйіспеншіліктің жарқын үлгісі.
Мұрат Кеңесұлы – өз ісінің шебері ғана емес, сонымен қатар жас мамандарға тәлімгер бола білген тәжірибелі маман. Ол әріптестеріне ауыл шаруашылығы техникаларын жөндеу мен күтіп-ұстау жұмыстарын үйретіп, кәсіби білімін аянбай бөлісіп келеді.
Білікті маман ретінде ол ұжым ішінде зор беделге ие, әріптестері арасында үлкен сый-құрметке бөленген. Өзінің кәсіби шеберлігімен, адамгершілігімен және адал еңбегімен көпке үлгі болып жүрген азамат.
Марапаттары мен атақтары:
- ІІІ дәрежелі «Еңбек Даңқы» ордені;
- «Қазақстанның Еңбек Ері» атағы;
- Алтын Жұлдыз белгісі;
- «Отан» ордені.
|
