Негізгі ұстанымы: Университетіміздің гуманитарлық факультеті, қазақ және орыс тілдері кафедрасы жанынан құрылған «Руханият» ғылыми және әдеби-танымдық клубы студенттердің гуманистік қасиеттері мен шығармашылық қабілеттерін дамытады.
Клубтың мақсаты: Студенттердің бойында отаншылдық, азаматтық қасиеттерді қалыптастыра отырып, еліміздің бәсекеге қабілетті, жаңашыл, ізденімпаз жастарын тәрбиелеу.
Клуб міндеттері:
Қазақстан Республикасының рухани және мәдени құндылықтарын жастардың бойына сіңіру мақсатында ұлт ділі, діні, мәдениеті, дәстүрі, тілі, тарихы туралы мағлұмат бере отырып:
- Студенттер арасында мемлекеттік тілді және туған тілін білуді жандандыруға сонымен қатар, зерделеу үшін жалпы гуманитарлық дайындық деңгейін көтеруге қолайлы жағдай жасау;
- Рухани бірлік қалыптастыру, ұлтаралық достық пен өзара ынтымақты сақтауға, жоғары оқу орнындағы студенттер арасында тұрақтылықты қалыптастыруға баулу.
- Студенттер бойында адами қасиет пен адамгершілік көзқарас қалыптастыру. Үлкенді сыйлап, кішіге қамқор, жолдасқа адал, досқа беріктік қасиеттерін студент жастардың бойына сіңіре отырып, ізгілік пен кішіпейілділікті ұстануға ұйтқы болу;
- «Рухани Жаңғыру» бағытында ұлттық дәстүрлі тәрбиемен қаруландыра отырып, білім мен ғылымға баули отырып, мәдениеттің биігі өркениеттіліктің құндылықтарын бойына дарыту;
- Жаңа заман қарқынымен өмір сүре білуге, бойына ұлттық құндылық пен рухани қасиеттерді сіңіре отырып, ел қадірін бағалай білуге, елі үшін еңбек етіп, жақсы азамат болып және білікті маман ретінде бәсекеге қабілетті тұлғаға айналуына ықпал ету.
Клуб жұмысының бағыттары:
- Студенттерді «Рухани Жаңғыру» бағытында ұлттық дәстүрлі тәрбиемен қаруландыра отырып, білім мен ғылымға баулу, мәдениеттің биігі өркениеттіліктің құндылықтарын бойына дарыту бағыттарында жоспарға сәйкес түрлі әдеби-шығармашылық, ғылыми жобалар дайындау;
- Ұлттық мәдениеттің дамуы үшін, мәдениетті, тарихты насихаттауға бағытталған жалпы мәдени шараларды ұйымдастыру;
- Этнос және тіл бағытында түрлі өзекті мәселелер төңірегінде баяндамалар, дәріс, семинарлар , тренингтер өткізу;
- Ғылыми бағыттағы түрлі конференцияларда өзекті тақырып төңірегінде материал жинақтап, талдау жүргізіп, жүйелі болжам жасай білу үшін іздену, зерттеушілік қабілетке баулу;
- Басқа да жоғары оқу орындарымен қарым-қатынас орнату арқылы тәжірибе алмасу;
- Мемлекеттік тілді игере отырып, өзге ұлт өкілдерінің дәстүрі, тарихы, мәдениеті, тілімен танысып, креативті болуға қолайлы жағдайлар туғызу;
- Қазақ халқының ұлттық дәстүрі, мәдениетімен сусындай отырып, белгілі бір немесе бірнеше өнерін игеруге мүмкіндік жасау;
- Дөңгелек үстелдер мен семинарлар өткізу арқылы ой қозғап, еркін пікір айта білуге, келелі мәселелерді шеше білуге жастарды қалыптастыру.
«Руханият» ғылыми және әдеби-танымдық клубының
Жетекшісі: Токсанбаева Т.Ж.
Басшылары: Беляева Д. Г., Калданбек Н.Е.
