Үйірменің мақсаты: Ғылыми үйірменің негізгі мақсаты факультеттің студенттері мен магистранттарын даярлау сапасын арттыру және ғылымға баулу.
Міндеттері:
- қазіргі заман талабына сай бәсекеге қабілетті, кәсіби маман болып қалыптасуына бағыт беру, нәтижелі жұмыс жасауға баулу;
- жанашырлық, мейірімділік пен әділдік тәрізді адамгершілік санат негізінде эстетикалық талғамын қалыптастыру, нәтиже алуға және уақытты үнемдеуге дағдыландыру, өз білімін пайдалану, өз көзқарасын білдіру, шешім қабылдау және сол үшін жауапты болуға, отанға деген сүйіспеншілік пен құрмет сезімдерін нығайтуға тәрбиелеу;
- ғылыми мақалалар мен тезистер дайындау және басып шығаруды үйрету;
- студенттер мен магистранттардың кәсіби білімдері мен тәжірибелік дағдыларын, этикалық талаптар туралы хабардар болуын және ғылыми зерттеулердің этикалық сараптамасының студенттер үшін маңыздылығын жетілдіру;
- студенттер үшін ғылыми зерттеулердің кәсіби білімдері мен тәжірибелік дағдыларын жетілдіру.
Күтілетін нәтиже: Үйірме төңірегінде қарастырылатын негізгі ғылыми бағыттар заманауи зерттеу бағыттарына негізделген. Атап айтсақ, бұл бағыттарды келесідей жіктеуге болады:
- Ақпаратты қорғау;
- 3Dмодельдеудің техникалық ғылымда қолданысы;
- Жаппай қызмет көрсету;
- Мәліметтер қорын ұтымды басқару;
- Интерактивті оқытудың әдістері;
- Автоматтандырылған жүйелер;
- Мобильді қосымшалар жасау;
- Кескіндерді өңдеу;
- Кеңейтілген бағдарламалық кешендер;
- Басқару әдістері.
Ұсынылып отырған ғылыми-зерттеу бағыттары студенттердің төрт жылда алатын білімдерін толықтырып, зерттеушілік қабілеттерін арттыруға және болашақтағы кәсіби жұмысында қолдануға толықтай мүмкіндіктер берері сөзсіз. Студенттерге ұсынылған тақырыптардың негізі ғылыми жетекшілік атқаратын оқытушы-профессорлық құрамның көпжылғы зерттеулерінің нәтижелерімен тікелей байланысқан.
Ғылыми үйірмеге жауапты жетекшілері «Ақпараттық жүйелер» кафедрасының оқытушылары: аға оқытушы ф.м.ғ.к., Анияров Альмир Асқарұлы және қауымдастырылған профессор м.а.,PhD, Нұрахметов Дәулет Бағдатұлы.
