«Азық-түлік және қайта өңдеу өндірісінің технологиясы» кафедрасында өсімдік майларын шығаратын тәжірибелік-өндірістік цех негізінде «Маслодел» студенттік тобы жұмыс істейді. Ғылыми үйірменің негізгі мақсаты - ғылыми-зерттеу жұмыстарын жүргізу және май өнеркәсібі үшін жоғары білікті мамандар даярлау үшін жағдайлар жасау.
Ғылыми үйірме жұмысы студенттерді өзін-өзі тәрбиелеуге, өзін-өзі жетілдіруге, май өнімдерін өндіруде танымдық қызығушылықтарын дамытуға, кәсіби құзіреттіліктерді қалыптастыруға ынталандырады.
Қазіргі уақытта студенттер келесі тақырыптар бойынша бірлескен зерттеулер жүргізуде:
- өсімдік майларын купаждау (араластыру);
- өсімдік майларының мацерациялау;
- май өнеркәсібінің екіншілік өнімдерін өңдеу;
- майлы дақылдарды өңдеу кезінде алынған глютенсіз ұн түрлерін алу және оларды әрі қарай пайдалану.
Ғылыми жұмыстардың нәтижелері студенттік конференцияларда жарияланады.
