2025 жылдың 6 наурыз күні университет студенттері арасында аналар тақырыбына арналған оффлайн-сауалнама (интервью) өткізілді.
Сауалнаманың мақсаты – студенттердің анаға деген көзқарасын, ана махаббаты мен қамқорлығы туралы ойларын білу.
Сауалнама барысында қойылған негізгі сұрақтар:
- «Анашым шалқып күлсін…» тіркесі сіз үшін нені білдіреді?
- Анаңыздың сізге берген ең үлкен ақылы қандай болды?
- Анаңызды қуантатын сәттерді жиі жасайсыз ба? Қандай іс-әрекеттер арқылы?
- Университеттегі жетістіктеріңізді анаңызбен қалай бөлісесіз?
- Анаңызға арнап бір тілегіңізді айтыңыз.
- «Ана бақыты — баланың амандығы» дегенге көзқарасыңыз қандай?
- Анаға деген сүйіспеншілігіңізді қалай көрсетесіз?
Интервью барысында студенттер аналары туралы жылы лебіздерін білдіріп, оларды ерекше құрметпен және махаббатпен еске алды. Көпшілігі аналарының өміріндегі ең маңызды адам екенін айтып, олардың мейірімі мен қамқорлығын жоғары бағалады. Сондай-ақ, анаға деген ризашылықты жиі сөзбен емес, іспен білдіру маңызды екені айтылды, Бұл сауалнама студенттерге аналары туралы ойлануға, оларға алғыс білдірудің маңыздылығын түсінуге мүмкіндік берді. Қатысушылар арасындағы әсерлі әңгімелер ананың әрбір адам өміріндегі ерекше орны бар екенін тағы бір дәлелдеді.
https://www.instagram.com/reel/DG5TkalsYz2/?igsh=MXdsaDV2ZnJzOWRmZQ==
