07-10 желтоқсан аралығында университеттің спорт клубының жоспарына сәйкес Сәкен Сейфуллин атындағы Қазақ агротехникалық университетінің 65 жылдығына арналған Қазақстан Республикасының жоғары оқу орындары арасында белбеу күресінен Республикалық турнирі ұйымдастырылып, өткізілді. Турнирге республиканың әртүрлі жоғары оқу орындарынан 13 команда қатысып, 195 спортшы қатысты.
Жалпы командалық есепте Қызылорда облысының құрама командасынан ұтылып, университет командасы құрметті екінші орынды иеленсе, Түркістан облысының спортшылары үшінші орынды жеңіп алды. Чемпиондар мен жүлдегерлер университет қорынан медальдармен, мақтау қағаздарымен және ақшалай сыйлықтармен марапатталды.
