2026 жылғы 28 сәуір күні сағат 15:00-де 6В04106 «Бухгалтерлік есеп, аудит және салықтық консалтинг» білім беру бағдарламасының 07-045-22-07 тобы студенттеріне «Субмердігерлік ұйымдардың қатысуымен құрылыс компаниясында бухгалтерлік есеп жүргізу ерекшеліктері» тақырыбында ашық дәріс өткізілді.
Дәрісті «Акнур» ЖШС бас бухгалтері Заханова Гульназ Жанатовна жүргізді.
Дәріс барысында құрылыс саласындағы бухгалтерлік есептің негізгі аспектілері жан-жақты қарастырылды, атап айтқанда:
- құрылыс ұйымдарындағы бухгалтерлік есептің негізгі қағидаттары;
- субмердігерлік ұйымдармен есеп айырысу тәртібі;
- келісімшарттарды рәсімдеу ерекшеліктері;
- шығындарды дұрыс есепке алу мәселелері.
Сонымен қатар, лектор өз тәжірибесінен нақты мысалдар келтіріп, тақырыптың мазмұнын тереңірек түсіндіруге мүмкіндік берді. Бұл студенттердің кәсіби қызығушылығын арттыруға ықпал етті.
Дәріс интерактивті форматта өтіп, білім алушылар өз сұрақтарын қойып, пікір алмасуға белсенді қатысты.
Іс-шара жоғары деңгейде ұйымдастырылып, теория мен тәжірибені ұштастыру арқылы студенттерге пайдалы әрі өзекті ақпарат ұсынылды.
Ұйымдастырушы: «Қаржы, есеп және аудит» БББТ аға оқытушысы, э.ғ.к. Шайкенова Н.Т.
