«Есеп және қаржы» кафедрасының ұйымдастыруымен 2025 жылы 14 ақпан күні сағат 12.00-де С.Сейфуллин атындағы Қазақ агротехникалық зерттеу университеті Экономика факультетінде «Еңбек Адамын» насихаттау мақсатында «Акцияларды табысты орналастыру – бұл компанияның өркендеуінің кепілі» атты тақырыбында 3 курс студенттеріне «Қазатомөнеркәсіп ҰК» АҚ-ы Корпоративтік қаржы департаментінің директоры Жунусова Асемгүл Серікбайқызы мен департаменттің бас эксперті Сагитова Наталья Юрьевна проблемалық дәріс жүргізді.
Жунусова Асемгүл Серікбайқызы Университетіміздің экономика факультетіндегі «Бухгалтерлік есеп және аудит» мамандығын 1999 жылы тәмәмдаған түлегі, компанияның бухгалтері қызметінен бастап, департаменттің директоры лауазымына дейін өскен қаржы саласында 25 жылдық еңбек өтілі бар жоғары білікті маман.
«Қазатомөнеркәсіп ҰК» АҚ-ның миссиясы – тұрақты даму арқылы таза энергияға жаһандық көшуге жәрдемдесу және атом өнеркәсібіндегі әлемдік көшбасшы болып табылатын жариялы компания.
Жунусова Асемгүл Серікбайқызы мен Сагитова Наталья Юрьевна дәрісте «Қазатомөнеркәсіп» АҚ-ның тұңғыш рет қор биржасында қарапайым акцияларын айналымға шығару тәжірибесін қарастырды, IPO кезіндегі атқарылған жұмыстарымен бөлісті. Экономика факультетінің студенттеріне қазіргі таңда тәжірибеде болашақ мамандарға қажетті білімдер мен дағдылар маңызын атап өтті. Студенттер тақырып аясында «Қазатомөнеркәсіп ҰК» АҚ-ның стратегиясы туралы, нақты тәжірибеде қор биржасынан қарапайым акцияларды сатып алу жолдары, дивиденд саясаты жөнінде сұрақтар қойып, жоғары білікті мамандардан жауап алды. Бұл жастардың қаржылық сауатын жоғарылатуға септігін тигізген пайдалы кездесу болды.
Жунусова Асемгүл Серікбайқызы мен Сагитова Наталья Юрьевнаға студенттермен баға жетпес тәжірибесімен бөлісуге келгені үшін С.Сейфуллин атындағы Қазақ агротехникалық зерттеу университетінің әкімшілігі алғысын білдіреді.
.png)
.png)
.png)
.png)
