2023 жылдың 20 қазаны күні КАТЗУ студенттері арасында Республика күніне орай Мәдени-бұқаралық жұмыстар жөніндегі департаменті "АМАNАТ" партиясының "Сарыарқа" аудандық филиалымен бірлесіп футболдан турнир ұйымдастырды.
Іс-шараның ашылу салтанатында қалалық мәслихат депутаты Арсланбек Мағзұм, "Сарыарқа" аудандық филиалының атқарушы хатшысы Руслан Қонақбаев сөз сөйлеп, турнир қатысушыларына табыс тіледі. Турнирге Студенттер ісі жөніндегі проректор Ж.А. Құсайынова, спорт клубының мүшелері, ЖІЖК және факультеттердің жанкүйерлері қатысты.
Ойын қорытындысы бойынша 1 орынды КЖжКББ факультетінің командасы, 2 орынды Экономика факультеті, 3 орынды Энергетикалық факультетінің командасы иеленді. Командалар кубоктармен және алғыс хаттармен марапатталды.
