2023 жылдың 19 қаңтары күні Жастар саясаты департаментінің ұйымдастыруымен Сыбайлас жемқорлыққа қарсы іс-қимыл агенттігі өкілдерімен кездесу өтті.
Кездесуге Превенция қызметінің Сыбайлас жемқорлыққа қарсы мәдениетті қалыптастыру басқармасының бас консультанты М.Б. Карбозова, Сыбайлас жемқорлыққа қарсы мәдениетті қалыптастыру басқармасының сарапшысы А.Д.Айдарханов, «Әділдік жолы» РҚБ атқарушы директорының орынбасары Н.Б. Мұқанов, «Әділдік жолы» РҚБ атқарушы директорының орынбасары А.К. Қондыбаев, университеттің студенттері мен ПОҚ құрамы қатысты.
Кездесудің мақсаты – белсенді жастардың азаматтық пікірін және сыбайлас жемқорлыққа қарсы мәдениетін қалыптастыра отырып, мемлекеттік қызметке қызығушылығын арттыру.
Кездесу барысында Сыбайлас жемқорлықты қабылдамауды жалпыға бірдей қалыптастыруға, сондай-ақ қоғамдық сананы жаңғыртуға бағытталған арнайы презентациялар мен видеолар көрсетілді.
