2023 жылдың 20 қаңтары күні Жастар саясаты департаментінің ұйымдастыруымен құқықтық сауаттылықты арттыру мақсатында кездесу өтті.
Кездесуге ІІД қызметкері, учаскелік инспектор, полиция капитаны Ж.С. Абдраманов, ОШЖТжҚО және ВжМШТ факультеттерінің студенттері қатысты.
Кездесу мақсаты: бүгінгі таңда қоғамның алдында тұрған басты міндеттердің бірі - балалар мен жасөспірімдер, студенттер арасындағы құқық бұзушылықтың алдын-алу, кәмелетке толмағандар арасындағы қылмыстың өсуіне жол бермеу. Себебі бұл мәселе қазіргі таңда көкейтесті мәселелердің біріне айналып отыр. Сондықтан мәні терең кездесуде полиция капитаны Ж.С.Абдраманов студенттерге құқық бұзушылық туралы мәліметтерді жеткізді. Қазақстанда заң бойынша кәмелетке толмаған жас¬өспірімдерге түнгі сағат 22.00-ден кейін компьютерлік клубтарда отыруға және түнгі сағат 23.00-ден кейін көшеде ата-анасыз жүруге, рұқсатсыз біреудің мүлкін пайдалануға және алуға тыйым салынатындығын және т.б. құқықтық ақпараттар айтылды.
Әр азаматтың міндеті - заң талаптарын бұзбау, екінші жағынан өзіне жүктелген міндетін орындау. Ал заңды білмеу – құқықтық мәдениеттің елеулі кемшілігі. Сондықтан да мектеп қабырғасынан шығып, студенттік өмірге енді аттаған жас өскіндерге мұндай кездесулердің маңызы зор, берер пайдасы мол.
.jpg)
.jpg)
