С.Сейфуллин атындағы Қазақ агротехникалық зерттеу университетінде бекітілген кесте бойынша 2024 жылдың 13-17 қыркүйегінде университеттің студенттік ұйым және клуб мүшелерінінің төраға/төрайымдарының есеп беру - сайлауы өткізілді.
Өзін-өзі басқару - университеттегі студенттердің белсенділік көрсеткіші. Жастар саясатының нәтижелі жүруіне клубтар мен студенттік ұйымдардың қосар үлесі орасан. Клубтар қауымдастығы жастардың қызығушылығына қарай ашылған сан-түрлі ұйымдардың дамуына зор ықпал етеді. Бұл өз кезегінде жастардың жан-жақты дамуын қамтамасыз етеді. Студенттердің актерлік шеберліктерін, би өнері, ұлттық аспаптарда ойнау, вокал және КТК ойындарында көрсетуге мүмкіндік жасалған.
Оқу жылы басталып, 1 курсқа қабылданған студенттеріміз университеттің ішкі өмірімен танысуда. KazATZU тек ғылыми көрсеткіште ғана емес, студенттік белсенділік тұрғысынан да жоғары екенін айқындай алады. Сайлау нәтижесінде Студенттік Парламент жаңа басшыларын сайлады.Олар:
Студенттік парламент ұйымының төрайымы, агрономия факультетінің студентінің 4 курс студенті – Құрбанғали Аружан;
Студенттік Сенат төрағасы, КжжКББ факультетінің 4 курс студенті – Рахымбай Диас;
Студенттік Мәжіліс төрайымы, техникалық факультетінің 2 курс студенті – Адилбекова Нұргүл тағайындалды.
.png)
