Комплаенс-офицер Қ.А.Токушев «Сыбайлас жемқорлыққа қарсы еріктілер» жобасының мақсаты мен іске асыру жолдарын түсіндіріп, студенттер тарапынан қойылған сұрақтарға толықтай жауап берді.
Атап айтқанда, жоба волонтерлерді сыбайлас жемқорлыққа қарсы қызметке келесі бағыттар бойынша тартуды көздейді:
- студенттік қоғамдастықта сыбайлас жемқорлыққа қарсы мәдениетті қалыптастыру;
- ЖОО, ұйымның мамандануын ескере отырып, сыбайлас жемқорлыққа қарсы шешімдерді әзірлеу;
- сыбайлас жемқорлыққа қарсы іс-шараларды ұйымдастыруға қатысу /форумдар, конференциялар, семинарлар және т.б./;
- сыбайлас жемқорлыққа қарсы контент жасауға қатысу /фильмдер, әлеуметтік роликтер әзірлеу, Сыбайлас жемқорлыққа қарсы тақырыпта театрландырылған қойылымдар өткізу және т.б./.
Осы жобаға 80 астам студент өз ерікімен волонтер болуға ниет білдірді.
Жиын соңында Басқарма мүшесі – студенттік істер жөніндегі проректор Ж.А.Құсайынова еріктілер тобына жобаның сәтті жүзеге асуына университет басшылығының атынан сәттілік тілеп, университетті жемқорлықсыз адал алаңға айналдыру жолында еңбек етіп жұмыс жасауға шақырды.
