Елорданың Е. Рахмадиев атындағы Мемлекеттік академиялық филармониясында «JASTAR JALYNY-2023» жастар шығармашылық фестивалінің жабылу салтанаты өтті.
Фестиваль 10 жыл бойы өткізіліп келеді және студенттердің сүйікті іс-шарасы. Фестивальде Астана қаласындағы 13 ЖОО жастары бақ сынасты.
С.Сейфуллин атындағы ҚАТЗУ студенттері барлық 10 номинацияға қатысып, жүлделі орындарға ие болды. Атап айтсақ,
"Ақжелкен" студенттік театры "Театр" номинациясы бойынша 1-орынға ие болды. Театр құрамындағы студент-жастар "Гүлбаһрамның көз жасы" атты ақын, ғалым, драматург Ғ.Е.Ештанаевтың драмалық қойылымын сахналады.
"Шабыт" ұлттық аспаптар ансамблі "Музыкалық аспаптар" номинациясында 1-орынға ие болды. Ансамбль құрамындағы студенттер домбыра, қобыз, саз сырнай, кахон, бас домбыра музыкалық аспаптарды үндестіріп, шебер орындаушылық қабілеттерімен көзге түсті.
"Поэзия" номинациясы бойынша ОШЖТжҚО факультетінің 2-курс студенті Елдар Әмірхан 1-орынға ие болды.
"Сурет салу" номинациясы бойынша ЖРБСД факультетінің 2-курс студенті Самал Мукашева 2-орынды жеңіп алды;
"Qazaqquiz" зияткерлік ойынында ҚАТЗУ командасы 2- орынға ие болды. Біздің команданың кұрамында ойын көрсеткен: Дастан Кокымжанов (1-курс ВжМШТ), Аякуз Мұхамадова (1-курс, ЖРБСД), Ұлжан Умарова (1-курс, ЖРБСД), Жарқынбек Сүндетұлы (1-курс, Энергетикалық), Ұлан Тұрсын (3-курс, Энергетикалық);
2017 жылы студенттердің бастамасымен құрылған "Arrow crew" студенттік клубы "Заманауи би" номинациясы бойынша 2- орынға ие болды. Бидің сюжеттік желісі, жастардың орындаушылық қабілеттері бағаланып, үздіктер қатарынан шықты.
"Медиа" номинациясы бойынша "KATZU MEDIA" студенттік клубы өздерінің бейнеролигін ұсынып, 2-орынды жеңіп алды;
"Шаттық" би ансамблі "Халық биі" номинациясы бойынша 3 -орынға ие болды;
"Эстрада" номинациясы бойынша ЖРБСД факультеттің 1-курс студенті Айнұр Сәдуақасова 3-орынды иеленді.
Жүлделі орындар үшін ұжымдар ақшалай сыйақылармен және бағалы сыйлықтармен марапатталды.
Жалпы командалық есепте 13 ЖОО арасында КАТЗУ фестивальдің бас жүлдесін жеңіп алды.
Почетный профессор Казахского национального аграрного университета. Карьера. 1979 г. — Кайрат Айтуганов начал работать оператором цеха перевозки Кокчетавского почтамта. 1984-1985 гг. — ассистент кафедры почвоведения Целиноградского сельхозинститута. 1987-1989 гг. — агроном, старший агроном, главный экономист совхоза Карабулакский Зерендинского р-йона Кокчетавской обл.