«Жаратылыстану» студенттік ғылыми үйірмесі физика және химия кафедрасы қарамағындағы оқудан бос уақыттағы немесе арнайы бөлінген уақыттарда ғылыми-зерттеу жұмыстарымен айналысатын студенттердің ерікті, коммерциялық емес бірлестігі.
Ғылыми үйірме С.Сейфуллин атындағы ҚазАТУ жарғысына сәйкес әрекет етеді.
Үйірме мақсаты:
Ғылыми үйірменің мақсаты жаратылыстану бағытындағы физика және химия пәндері бойынша студенттердің ғылым мен тәжірибедегі озық жетістіктерді үйрете отырып, мамандардың даярлық сапасын арттыру болып табылады.
Міндеттері:
- оқу материалын тереңдей меңгеру, өз білімін тұрақты түрде жетілдіру және оның қажеттілігін қалыптастыру;
- студенттерді кафедраның ғылыми-зерттеу жұмыстарына тарту;
- студенттердің олимпиадаларда, конференцияларда, ғылыми семинарларда және т.б. орындардағы ғылыми баяндамаларын ұйымдастыру және өткізу;
- үздік студенттік ғылыми жұмыстарды баспаға өткізуге және тәжірибеге енгізуге қолдау көрсету;
- ұқсас құрылымдардың мүшелерімен тәжірибе алмасу.
Үйірме қызметі:
- физика және химия жаратылыстану пәндерінің өзекті ғылыми бағыттарында үйірме мүшелерінің қалаулары бойынша ғылыми тақырыптарды таңдау;
- кафедра қызметкерлері құрамынан ғылыми қызығушылығы және кәсіби құзіреттілігіне сәйкес кеңесшілерді тағайындау;
- үйірме мүшелерімен физика және химия жаратылыстану пәндерінің өзекті бағыттары бойынша зерттеу жұмыстарын жүргізу;
- зерттеу жұмыстарын орындау бойынша кафедра қызметкерлері кеңесін өткізу;
- тақырыптық отырыстар өткізу, бұл жерде студенттер өз ғылыми жұмыстары жөнінде баяндамаларын, рефераттарын, презентацияларын таныстырады;
- үйірме жұмысының қорытындысын шығару.
«Жаратылыстану» студенттік ғылыми үйірмесі барлық қызығушылық танытқан студенттер мен өзге құрылымдарды бірлесе жұмыс жүргізуге шақырады!!!
«Жаратылыстану» үйірмесінің жетекшісі – х.ғ.к., қауымдастырылған профессор м.а. Ибатаев Жаркын Абыкенович.
Байланыс: 87023848068, ZharkynAstana@gmail.com
