30 қараша күні "Antikor ortalygy" алаңында елорда еріктілері арасында сыбайлас жемқорлыққа қарсы тақырыбындағы бейнероликтер байқауының жеңімпаздарын марапаттау рәсімі өтті.
Бұл байқаудың мақсаты - жастардың сыбайлас жемқорлықтың теріс салдарын қаншалықты түсінетінін білу, жемқорлыққа қарсы қоғамдық пікірді қалыптастыру, сондай-ақ өскелең ұрпақтың шығармашылық әлеуетін дамыту болып табылады.
Конкурсқа барлығы 30-дан астам жұмыс түсті. Әрбір жұмыс қатысушылардың дүниетанымын, олардың сыбайлас жемқорлыққа қарсы күреске деген көзқарасын, сондай-ақ оның қоғам мен адамға теріс салдарын насихаттауға бағытталды. Байқауға Астана қаласындағы ЖОО студенттері қатысқан.
Университетімізден Мәдени -бұқаралық жұмыстар жөніндегі департаменттің жанындағы «ҚазАТЗУ Медиа» клубының студенттері өз бейнероликтерін ұсынып, 3-орынды иеленді.
Байқау жеңімпаздарына дипломдар мен естелік сыйлықтар табыс етілді.
