«Мал шаруашылығының технологы» студенттік ғылыми-зерттеу үйірмесі 2013 жылдан «Мал шаруашылығы өнімдерін өндіру және өңдеу технологиясы» кафедрасында жұмыс жасап келеді.
Үйірменің мақсаты:
Қазақстан Республикасындағы мал шаруашылығының әлеуеті мен жағдайы, мемлекетімізде кеңінен таралған мал шаруашылығын жетілдіруге бағытталған бағдарламалар, мал шаруашылығында қолданылатын заңдар мен асылдандыру жұмыстары бойынша қолданылатын құжаттар, осы сала өнімдері мен малдың асыл тұқымдығын жетілдірудің ғылыми негіздері аясында түсіндіру жұмыстарын жүргізу, кафедрада атқарылып жатқан ғылыми жобалармен таныстыру, студенттердің өзіндік зерттеу жұмыстарына ғылыми бағыт беру.
Үйірменің негізгі міндеттері:
- Жас зерттеушінің ой өрісін кеңейту;
- Студенттерге мал шаруашылығының салалары бойынша ақпаратты насихаттау;
- Қазақстан Республикасының мал шаруашылығы саласында қолданылатын заңдарды білу;
- Зерттеу жұмыстарын жүргізудің сұлбасын құрастыруды үйрету.
Күтілетін нәтижелер:
- Зерттеу жүргізу әдістерін игерту;
- Студенттердің шығармашылық белсенділігін арттыру;
- Ғылыми және оқу әдістемелік әдебиетпен жұмыс істеуге, ақпараттың заманауи көздерін пайдалануға бағыт беру;
- Ғылыми конференциялар мен ғылыми зерттеу жобаларына қатыстыру.
«Мал шаруашылығының технологы» студенттік ғылыми-зерттеу үйірмесінің жетекшісі: И.Е.Мухаметжарова
