2024 жылдың 13 қарашасында Дебат клубының қызметі аясында "Дебат құрылымын терең танып, біліктілікті, сыни ойлауды дамытуға арналған тренинг" өтті.
Тренингті тәжірибелі жаттықтырушы Тілеуғали Камила жүргізіп, қатысушылармен дебат саласындағы маңызды білімдері мен тәжірибелік дағдыларын бөлісті.
Іс-шара интерактивті форматта өтіп, қатысушылар белсенді пікірталасқа қатысып, дебат құрылымын талдады. Сөйлеу стратегияларын әзірледі және сыни ойлау мен дәлелдеу дағдыларын жетілдіру бойынша құнды ұсыныстар алды.
Тренинг нәтижесінде қатысушылар өздерінің теориялық білімдерін тереңдетіп қана қоймай, оларды іс жүзінде қолдана алды. Бұл олардың сөйлеу сенімділігін арттырады. Тренингке қатысушылардан оң пікірлер алынып, студенттердің дебаттық дағдыларын дамытудағы маңызды кезеңге айналды.
