2022 жылғы 30 мамырда Жастар саясаты департаменті Сыбайлас жемқорлыққа қарсы мәдениетті қалыптастыру мақсатында кездесу ұйымдастырды. Кездесуге Қазақстан Республикасы Сыбайлас жемқорлыққа қарсы іс-қимыл агенттігінің Превенция қызметінің Сыбайлас жемқорлыққа қарсы мәдениет қалыптастыру қызметінің басшысы Нұрсұлтан Берікұлы Бекинов, Қазақстан Республикасы Сыбайлас жемқорлыққа қарсы іс-қимыл агенттігінің Превенция қызметінің Сыбайлас жемқорлыққа қарсы мәдениет қалыптастыру басқармасының бас консультанты Меруерт Бекетбайқызы Карбозова, университеттің студенттері мен ПОҚ құрамы қатысты.
Кездесу барысында қатысушылар білім беру саласындағы сыбайлас жемқорлыққа қарсы іс-қимыл мәселелерін талқылады. Қоғамда сыбайлас жемқорлыққа қарсы сананы қалыптастыруға оқытушылар мен студенттердің қатысуының маңыздылығы атап өтілді.
Сыбайлас жемқорлықты жоюдың маңызды факторы сыбайлас жемқорлыққа қарсы білім беру және жастарды тәрбиелеу , қоғамда сыбайлас жемқорлықтың кез келген көрінісіне мүлдем төзбеушілікті қалыптастыру, сондай-ақ халықтың құқықтық сауаттылығын арттыру болып табылатыны түсіндірілді.
Мамандар азаматтарға тегін ақпараттық-консультациялық қолдау көрсететін сыбайлас жемқорлыққа қарсы іс – қимыл агенттігінің «1424» колл-орталығының қызметі туралы айтып берді.
