Просмотров: 161
2026 жылғы 1 қыркүйекте С.Сейфуллин атындағы Қазақ агротехникалық зерттеу университетінде Білім күніне және жаңа оқу жылының басталуына арналған мерекелік іс-шаралар өтті.
Университеттің барлық институттарында білім алушылармен кездесулер ұйымдастырылды. Әсіресе, университет өміріндегі жаңа кезеңге қадам басқан бірінші курс студенттеріне ерекше көңіл бөлінді. Олар институт басшылығымен және оқытушыларымен танысып, білім алу мүмкіндіктері, ғылыми, қоғамдық және шығармашылық бағыттар туралы ақпарат алды.
Студенттерді жаңа оқу жылының басталуымен құттықтап, оқуда табыс, тың идеялар, жаңа мүмкіндіктер мен биік жетістіктер тіледі.
Білім күні университет қауымдастығын біріктіріп, ҚАТЗУ-дағы жаңа әрі мазмұнды оқу жылына бастау берді.
