Просмотров: 1618
Биыл елімізде Мемлекет басшысы Қ-Ж.Тоқаевтың тапсырмасымен қолған алынған республикалық "Таза Қазақстан" экологиялық акциясы бастау алғаны белгілі. Оның аясында әр аптада табиғатты аялау іс-шаралары өтуде.
ҚР Экология және табиғи ресурстар министрлігімен бірлікте С.Сейфуллин атындағы Қазақ агротехникалық зерттеу университетінің ұжымы 500 түп жеміс ағашын отырғызу акциясын өткізді. 24 қазан күні Интернационал кентіндегі Ветеринария және мал шаруашылығы технологиясы факультетінің алдына 500 түп жеміс ағаштарының көшеттері отырғызылды.
Сенбілік басталар алдында С.Сейфуллин атындағы ҚазАТЗУ Басқарма мүшесі-операциялық мәселелер жөніндегі проректор С.Омаров пен AMANAT партиясы Бірлік аумақтық филиалының атқарушы хатшысы А.Біржанов жинаған қауымды еңбек мерекесімен құттықтап, ағаш егудің қоршаған ортаға пайдасы мен табиғатқа қамқорлық - ұлттық дәстүріміз екендігін тағы бір еске салды.
Аталмыш іс-шараның негізгі мақсаты: ағаш отырғызу арқылы болашақ ұрпақтың табиғат пен жаратылысқа деген ықыласын оятып, адамзат баласының табиғатпен үйлесімді түрде дамуын ұғындыру және қоршаған ортаның жақсаруына өз үлесін қосуға бағытталған.
