Просмотров: 941
17-20 қыркүйек аралығында университеттің Мәдени-бұқаралық жұмыстар жөніндегі департаменттің мамандары Экономиалық факультеттің 1-курс студенттеріне «С.Сейфуллин атындағы Қазақ агротехникалық зерттеу университеті» студентінің Ар-намыс кодексін түсіндіру жұмысын жүргізді. Түсіндіру жұмыстарына факультеттің 1-курсының 6 қазақ тобы-85 студент, 12 орыс тобы- 119 студент тартылды.
Білім алушылары Ар-намыс кодексінің университет аумағында және басқа да қоғамдық орындарда күші бар екендігі түсіндірілді. Сонымен қатар, студенттерге құқықтары мен міндеттері және ішкі нормативтік-құқықтық ережелері туралы ақпараттар берілді
Түсіндіру жұмыстарын Басқарма мүшесі-Студенттер ісі жөніндегі проректор Ж.А.Құсайынова, Мәдени-бұқаралық жұмыс жөніндегі департамент директорының орынбасары Г.Е.Байдалина мен департаменттің аға менеджері Т.З.Канафин өткізді. Кездесулерде факультет деканы Сабырова М.Е., декан орынбасары Хавджалел Х., факультет оқытушылары Касимбекова М.А., Садырова Ф.Т., Баймагамбетова З.А., Амирханова И.К., Шайкенова Н.Т. қатысты.
