Просмотров: 1577
2024 жылдың 24 сәуірінде комплаенс қызметінің басшысы Қ.А. Токушевтың төрағалығымен С.Сейфуллин атындағы Қазақ агротехникалық зерттеу университетінде корпоративтік әдеп және комплаенс - бақылау жөніндегі қоғамдық кеңестің кезекті отырысы өтті.
Кеңес отырысына Басқарма мүшесі - академиялық мәселелер жөніндегі проректор Р.Ж. Әбішева және Басқарма мүшесі - ғылым және инновациялық қызмет жөніндегі проректор Е.О. Сырғалиев қатысты.
Сондай-ақ ішкі аудит қызметінің басшысы Н.А. Ермаханов, ғылым және инновациялар департаментінің директоры Ж.С. Булхаирова, ақпараттық технологиялар департаментінің директоры А.Қ. Шиабиден шақырылды.
Кеңестің күн тәртібінде келесі сұрақтар қаралды:
- «Ауыл шаруашылығы өнімдерін органикалық өндіру және өңдеудің жаңа технологияларын әзірлеу» ғылыми-техникалық бағдарламасын іске асырудағы проблемалық мәселелер туралы. Баяндамашы: Басқарма мүшесі - ғылым және инновациялар жөніндегі проректор Е.О. Сырғалиев.
- Студенттік мәселелер жөніндегі департаментінің жұмысы туралы есебі. Баяндамашы: студенттер мәселесі жөніндегі департаментінің директоры Қ.Қ. Дәуренбеков.
- Гуманитарлық факультетінің сыбайлас жемқорлыққа қарсы кешенді жоспарының орындалуы туралы есебі. Баяндамашы: факультет деканы Ж.Т. Кулжанова.
Аталған сұрақтар бойынша кеңес мүшелері баяндамашылардың есептерін ескере отырып, тиісті ұсыныстар қабылдады.
