Просмотров: 548
С.Сейфуллин атындағы Қазақ агротехникалық зерттеу университетінде көктемнің шуақты күндерімен тұспа-тұс келген 8 наурыз Халықаралық әйелдер күніне арналған мерекелік концерт болып, құрметті ұстаз-аналар мен аруларымызға көктем шуағындай сезім мен нұры құйылған ыстық лебіз, құрмет пен қошеметке толы тілектер мен құттықтаулар жолданды. Осынау көркем мерекенің қай кезде де орны бөлек. Олай болатыны, аналарға деген ыстық сезім, алғыс пен құрмет ешқашан сөнбек емес. Өйткені олар-өмірдің гүлі, көңілдің жыры, әр отбасының алтын діңгегі.
Алғашқы құттықтау сөз Басқарма мүшесі-операциялық қызмет жөніндегі проректор Сапархан Кесікбайұлы Омаровқа берілді. Салтанатты концертте «Шабыт» ұлт аспаптар оркестрінің домбырашылары мен «Шаттық» би ансамблі және Латиф Хамидидің «Бұлбұл» әнін орындаған Айнұр Хажымолла, А.Зацепиннің «Мама» әнін орындаған Техникалық факультеттің студенті Елеусін Займолдиннің өнерлері ерекше қошеметке ие болды. Кеш соңында «Ана деген асыл Жан» және «Шақырады көктем» әндері шырқалды.
