Просмотров: 1603
Қазақстандағы Наурызнама онкүндігінің бесінші күні – ұлттық киім күні.
Түп-тамырымызды білудің, ұлттық тарихымызға терең үңіліп, жаңғыру жолында жаңа қадамдар жасаудың маңызы зор.
Қазақ халқы өз ұлттық құндылықтарымен қашанда ерекшеленіп тұрады. Бүтін ұлттың бет-бедерін айқындар ұлан-ғайыр тарих – біздің баға жетпес ұлттық киіміміз.Ұлттық киім – кез келген халық мәдениетінің ажырамас бөлшегі.
Тарихымыздың тамыры тереңде, ұлтымыздың бейнесін қазіргі таңда танымал етіп, оны келер ұрпаққа қалдыру - біздің басты міндетіміз.
Ұлттық киімді ұлықтаған ұрпақ ретінде С.Сейфуллин атындағы ҚазАТЗУ Басқарма төрағасы-Ректоры Қ.М.Тіреуов бас болып, барша қызметкерлері қазақи нақышта киініп, Наурызнаманың бесінші күні - Ұлттық киім күнін қарсы алды. Сөйтіп, еліміз бойынша басталған «Ұлттық сезім» жобасының аясындағы ұлттық киімдердің сән салтанатын көрсетуге, насихаттауға, ұлттық бірлікті нығайтуға бағытталған челленджді Сейфуллин университетінің ұжымы бір кісідей қолдады.
Мақпал Орынбетова
