Басты бет / Жаңалықтар / Наурызнама - Қайырымдылық күні
Наурызнама - Қайырымдылық күні

Просмотров: 530

Биылдан бастап Мемлекет басшысы Қ-Ж.Тоқаев елдің барлық өңірінде Наурыз мерекесін жаңа форматта өткізуді ұсынды. Арнайы мерекелік логотип бекітіліп, Наурыз мейрамы 10 күн тойланатын болды. Ал, онкүндік – «Наурызнама» деп аталды.

Бүгінгі 15 наурыз – «Қайырымдылық күні».

Наурызнаманың алғашқы мерекесі – «Амал мерекесі – Көрісу күні болды. Бұл күні С.Сейфуллин атындағы ҚазАТЗУ Басқарма төрағасы-Ректоры, ҚР ҰҒА академигі Қ.М.Тіреуов бастаған университет басшылары оқу ордасының құрылымдық бөлімшелерінде, факультеттерде болып, ұжымды мерекемен құттыған болатын. Бүгінгі күні – Қайырымдылық деп аталады. Қайырымдылық деген сөздің мәніне үңілсек, бұл күн қайырымдылық, мейірімділік пен татулықты насихаттауға арналды. Қайырымдылық – адамдардың бір-біріне жанашырлық танытып, бір-біріне көмек қолын соза білуі. Елді айрандай ұйытып, мемлекетімізде өмір сүріп жатқан қазақ халқы мен түрі этностардың басын біріктіріп, бір мақсатқа жұмылдыратын да осы қайырымдылық. Университет студенттерін қайырымдылыққа, өзара қамқорлыққа шақыратын бұл күннің мәні тереңде.

 

Мақпал Орынбетова