Просмотров: 1210
С.Сейфуллин атындағы Қазақ агротехникалық зерттеу университетінде бекітілген кесте бойынша 2024 жылдың 6-13 қыркүйегі аралығында факультеттердің Жастар ісі жөніндегі комитеттерінің төраға/төрайымдарының есеп беру - сайлауы өткізілді.
Университет қабырғасы – білім алумен қатар, студенттердің өзін-өзі дамытуына, қабілеттерін шыңдауға, өзін-өзі басқара білуге, өзара мәдениеттілікке, ұйымшылдыққа, достыққа, факульеттердің бір-бірімен тығыз байланыста болуына жағдай жасайтын үлкен мекеме. Бұл шараға С.Сейфуллин атындағы ҚазАТЗУ-дың әр факультетінің декандары, тәрбие ісі жөніндегі декан орынбасарлары, мәдени-бұқаралық жұмыстар жөніндегі департамент қызметкерлері және белсенді студенттерімен қатар жаңа оқу жылын бастаған 1-курс студенттері қатысты.
Сайлау нәтижесінде 8 факультеттің Жастар ісі жөніндегі комитеттерінің жаңа төраға/төрайымдары сайланды. Атап айтсақ:
- Агрономия факультеті – Ергеш Даниал;
- Орман шаруашылығы, жабайы табиғат және қоршаған орта факультеті – Тұрман Назым;
- Техникалық факультеті – Амирбеков Мадияр;
- Ветеринария және мал шаруашылығы технологиясы факультеті – Жеңісова Ұлжан;
- Компьютерлік жүйелер және кәсіптік білім беру факультеті – Сакенова Перизат;
- Жер ресурстарын басқару, сәулет және дизайн факультеті – Кульмагамбетова Альмира;
- Экономика факультеті – Оспанов Ерсаин;
- Энергетикалық факультеті – Ахмет Гүлсезім.
