Просмотров: 1881
Жуырда С. Сейфуллин атындағы Қазақ агротехникалық зерттеу университетінің «Ақжелкен» студенттік театры Ғазиз Ештанаевтың «Ақын мен Ажал» атты трагедиясын Қазақстан Республикасы Ұлттық музейінің үлкен сахнасында сахналады. Қойылым көрермен жүрегіне жетіп, көздеріне жас ұялатты.
Кеш соңында Қазақстан Республикасы Ұлттық музейінің ғылыми хатшысы, тарих ғылымдарының кандидаты Ғиззатов Саялбек Махамбетұлы, Қазақ агротехникалық зерттеу университетінің Мәдени-бұқаралық жұмыстар жөніндегі департамент директоры, Қазақстанның Еңбек сіңірген әртісі Байсағатов Бекболат Төкешұлы, Сәкен Сейфуллин музейінің директоры Әбсеметов Марат Оралбайұлы, С. Сейфуллин атындағы №80 мектеп-гимназиясының директоры Майқанова Гүлдерай Қазтайқызы сөз сөйлеп, жылы лебіздерін білдірді. Және де Қазақстан Республикасы Ұлттық музейінің ғылыми хатшысы, тарих ғылымдарының кандидаты Ғиззатов Саялбек Махамбетұлы театрдың көркемдік жетекшісі Нурфат Вахитов пен режиссер Думан Омарды және "Ақжелкен" студенттік театрын марапаттап, сыйлықтар ұсынды.
