Просмотров: 269
С.Сейфуллин атындағы Қазақ агротехникалық зерттеу университетінде 2024 жылдың 1-2 ақпанында Техникалық, Жер ресурстарын басқару, сәулет және дизайн, Гуманитарлық, Экономикалық, Энергетикалық факультеттері мен әскери кафедра оқытушылары, іс жүргізушілері, зертханашыларымен университеттің комплаенс қызметінің жетекшісі Қайыржан Ахметбекұлы Токушев «Сыбайлас жемқорлықтың алдын алу» мәселесі бойынша кездесу өткізді.
Кездесудің модераторы Басқарма мүшесі-Студенттер ісі жөніндегі проректор Жайнагүл Айтмағанбетқызы Құсайынова болды. Сыбайлас жемқорлықтың алдын алудың негізгі құралдарының бірі, жемқорлықтың себептері мен салдарын анықтау және сыбайлас жемқорлыққа қарсы қолданылатын шектеулер,-деп атап өтті.
Баяндамашы өз сөзінде: «Сыбайлас жемқорлыққа қарсы мәдениетті қалыптастыру, сыбайлас жемқорлыққа төзбеушілікті көрсететін құндылықтар жүйесін сақтау және түпкі мақсат-сыбайлас жемқорлықтан таза қоғам қалыптастыру. Бұл жолда азаматтар арасында ақпараттық-түсіндіру жұмыстарын күшейту, барша қоғамды сыбайлас жемқорлыққа қарсы күреске жұмылдыру өте маңызды»,-деді.
Кездесудің соңында Қ.А.Токушев қатысушылардың сұрақтарына жауап берді.
