Просмотров: 845
Ветеринария және мал шаруашылығы технологиясы факультеті «Қош келдің, əз Наурыз!» атты мерекелік думанын атап өтті. Наурыз мейрамы - бұл көктем мен еңбектің мерекесі, күн мен түн теңесетін кезең. Наурыз - ата-бабаларымыз мыңдаған жылдардан бері тойлап келе жатқан жыл басы мерекесі. Мерекелік іс-шара кестесіне сәйкес факультетке «Бұйымтай» тақырыбы берілген болатын. Бұйымтай - біреуге қолқа салатын шаруа, алғысы келген бұйым немесе өтініш. Дәстүрлі түрдегі бұйымтай айту негізінен сыйлас кісілер арнайы келіп, сәлемдесіп екі-үш күн қонақ болғаннан кейін қайтуға қамданған кезде үй иесі қонаққа алғыс айтып, бұйымтайын сұрайды. Бұл — қонақтың қалағаны немесе нендей шаруасы бар екенін білу деген сөз. Қонақ мұндайда келген шаруасын, яғни бұйымтайын айтады. Қонақ сөзін жерге тастамау, өтінішін орындау - қазақ үшін бұлжымас қағида. Наурыз мерекесінің соңында факультетімізде ауызашар ұйымдастырылды.
