Просмотров: 776
С.Сейфуллин атындағы Қазақ агротехникалық зерттеу университетіне 31 қаңтар мен 08 ақпан күндері «Өркен» ұлттық ғылыми-практикалық балалардың хал-ахуалы институтының мамандары келіп, университетіміздің 2-3 курс студенттеріне тренинг өткізді. «Менің бауырым» студенттік-волонтерлік жобасы мектеп оқушыларының құқықтарын қорғауға және балаларға қатысты жобаларды тиімді басқаруға, қолайлы әрі қауіпсіз ортада білім алуына жағдай жасауға бағытталған жоба екенін айта келіп, қозғалыстың мақсаты мен маңызы туралы жан-жақты мағлұмат берді. Тренингке студенттеріміз белсенді қатысып, мектеп оқушыларымен қалай жұмыс істеу керектігі жөнінде кеңес алды. Еріктілер тобы 53 студентпен жасақталып, Астана қаласының 20 мектебімен бірлесе жұмыс атқарып жатыр.
